Хөвсгөл аймгийн Ренчинлхүмбэ сумын 5-ын А ангийн хүүхдүүд Монгол Улсын Ерөнхий сайдаас ангийн хүүхдээ аврахыг гуйжээ. Хөвсгөлд гурван хүүхэд эндсэн гунигт мэдээ дуулдахаас өмнөхөн юм байж. Хүүхдүүд найзыгаа аврахаар яарчээ. Тэгээд л цахилгаан илгээж. Манай ангийн Энхцогт эгчийн хамт ой модонд төөрч, эрэл хайгуул хийгээд олдохгүй байна. Энэнд манай ангийнхны сэтгэл маш их эмзэглэж байна.Иймд та Ерөнхий сайдын хувьд бас хүүхдийн зөвлөлийн даргын хувьд бидэнд туслаж, нисдэг тэрэг яаралтай явуулж, манай ангийн хүүхдийг эгчийн хамт осолдож эндэхээс нь өмнө арга хэмжээ авч өгөхийг бид танаас хүсч байна гэж цахил-гаанд өгүүлжээ. Туслах хариугаа өнөөдрийн 16 цагаас өмнө дуулгана уу гэж хүүхдүүд хүсч. Тэдний гуйлтыг Ерөнхий сайд дор нь биелүүлсэн бололтой. Сүүлд илгээсэн талархпын цахилгаандаа тус сургуулийнхан Бидний сэтгэл эмзэглүүлсэн хүнд байдлыг хүндэтгэн үзэж, санал бодлыг хоёр цагийн дотор хүлээн авч, гүн туслалцаа үзүүлсэнд талархал илэрхийлье гэсэн байлаа.
Есдүгээр сарын 1-нд сургуульдаа амжиж очихоор яаран гарсан хүүхдүүд тайгад төөрч, осгосон тухай гунигт мэдээ аваад ангийн хүүхдүүд төдийгүй Ерөнхий сайдад ч хэцүү байсан байх даа. Нисдэг тэрэг, шуурхай бүлгийн аврагчдыг илгээсэн ч ахиж тэднийг сургуульд нь авчирч чадаагүй болохоор. Хүүхдүүд төөрсөн 30-ны өдөр хүйтэн бороо асгаж, шөнөдөө цасан шамарга болсныг Онцгой байдлын ерөнхий газрынхан сүүлд нь мэдээлсэн. Хөнгөн нимгэн хувцастай хүүхдүүдийг тайгын хүйтэн нөмрөн авч оджээ.
Ерөнхий сайдад Элбэг ээ ахаа гэсэн хүүхдийн хөөрхөн захидлууд зөндөө ирдэг аж. Хаврын шалгалтын үеэр БСШУЯ-ны өөрчлөн байгуулалтаас болгоомжилсон хүүхдүүд Ерөнхий сайдад цаг тулахын зовлонг таилбарлаж байж билээ. Шалгалтын өөрчлөлтийг дараа жил болгон хойшлуулсан Ерөнхий сайдын шийдвэрийн дараа ахлах ангийнхан түүнийг бүчиж Элбэг ээ ах аа, баярлалаа гэж байсан. Нүүх үү, үлдэх үү цуврал лекцийнхээ үеэр дунд сургуулиинханд тэр үнэгүй номын дуу сонегож байсан сан. Тэгээд л хүүхдүүдийн хувьд тэрбээр зүгээр л Элбэг ээ ах юм болов уу. Улаанбаатарт байгаа миний аавд гээд захидал бичихэд эзнээ олоход хэцүү л дээ. Харин Улаанбаатарт байгаа Ерөнхий сайд Ц.Элбэгдоржид гэж хаяглахад бол дор нь эзэндээ хүрнэ

Б.ЭГШИГЛЭН
(өдрийн сонин 2005-09-23 229)