сонгогчид өнгөрсөн хугацаанд УИХ-д өөрийн төлөөлөлгүй явж ирлээ. Уг нь тойргийн сонгогчид тэр үед шинэ сонголт хийж парламентад Ардчилсан намын нэр дэвшигч эдүгээгийн Төрийн өмчийн хорооны дарга З.Энхболдыг сонгосон юм. Гэвч СЕХ түүнийг хуульд заасны дагуу Ерөнхийлөгчид өргөн мэдүүлээгүй. Харин нийс-лэлийн Захиргааны хэргийн шүүхэд өгсөн юм. Тэндээс З.Энхболдын ялалтыг хүлээн зөвшөөрсөн шийдвэр гарсан юм. Захиргааны хэргийн шүүхийн шийдвэр бүх шатанд хянагдаж зөв болох нь тогтоогдсон билээ. Гэвч МАХН ялагдах бүртээ гомдол гаргаж одоо Дээд шүүхийн Ерөнхий шүүгчийн ширээний нүдэнд ороод таг чиг боллоо. Иймд иргэдийн сонголт ч, шүүхийн шийдвэр ч хэрэгжихгүй удлаа. Энэ талаар саяхныг болтол ямар нэг төрийн өндөр албан тушаалтан дуугарсангүй. Харин УИХ-ын дарга Ц.Нямдорж Дээд шүүхийн Ерөнхий шүүгчид шаардлага тавьсан байна. Гэтэл УИХ-ын даргын энэхүү албан бичгийг МАХН-ын зарим нөхөд овжноор ашиглаж тус тойрогт багтдаг, Тарагт сумын Туяа багт дахин санал хураалт болно хэмээн унаа хөсөг болон уулгалан хөдөлцгөөсөн байна. Өвөрхангай аймгийн Тарагт сумын Туяа багт дахин санал хураалт болох эсэх талаар ямар нэг шийдвэр гараагүй. МАХН-ын удирдлагын заавраар хийгдэж байгаа дээрх үйлдэл нь тус намын хэт хуучинсаг үзэлтнүүдийн өндэр албан тушаалтны хэлсэн үг дээд газрын алива шийдвэрийг хувийнхаа эрх ашигт ний-цүүлэн буруугаар ашигладаг гэдгийн хамгийн ойрхоны нотолгоо нь боллоо.
Харин зарим нэг хөндлөнгийн судалгааны байгууллага бие даасан судалгаа хийжээ. Иргэдийн олонх нь дахин санал хураах шаардлагагүй. Бид хүнээ сонгочихсон. Одоо хамтарч ажиллаад болж байна гэсэн хариулт өгсөн аж. Тиймээ, тэд сонгол-тоо 2004 оны зургадугаар сарын 27-нд хийчихсэн юм. Товчоор хэлэхэд тэднийг З.Энхболд УИХ-д төлөөлөх учиртай. Ийм сонголт хийчихсэн тэдний хувьд үүнээс өөр ямар хариулт өгөх билээ дээ. Тэгээд ч өнгөрсөн хугацаанд сонгогдсон З.Энхболд, сонгосон иргэдийн хамтын ажиллагаанд завсар гараагүй юм билээ. Сонгосон иргэд нь түүнд ханддаг. Тэдний хүсэлтийг тэрбээр хүлээн авч шийдвэрлүүлсээр иржээ. Энэ харилцаандаа сонгогчид нь сэтгэл хангалуун байгаа юм байна. Харин манай гишүүнд УИХ-ын гишүүний бланк л дутуу байгаа. Түүнийг нь УИХ олгох хэрэгтэй. Түүнээс энд дахин санал хураалт явуулах хэрэггүй гэж үзжээ. Энэ үнэн шүү.
Ер нь З.Энхболдыг парламентад оруулахгүй байх мөн-хийн хүсэл МАХН-ын нөлөө бүхий зарим нэг хүнд суртал-тад байдаг бололтой. Тэднийг санасандаа хүрэхэд Дээд шүүхийн Ерөнхий шүүгч Ч.Ганбат ташуур өгч, МАХН-ыг төлөөлж гомдол гаргасан Б.Долгорт өнөөдрийг хүртэл хариу өгөөгүй байна. Энэ нь 24 дүгээр тойргийн сонгогчид парламентад төлөөлөлгүй удах үндсЭн шалтгаан болжээ.УИХ-ын 24 дүгээр тойргийн асуудлыг Дээд шүүхийн шатанд шийдвэрлэлгүй удаасан тул Ч.Ганбатыг З.Энхболд уржигдар Дээд шүүхийн сахилгын хороонд өгсөн байна.Түүнийг сахилгын хороонд өгөх ч багадана. Шүүх иргэдийг чирэгдүүлдэг талаар өргөдөл, гомдол хаа сайгүй байдаг.Улс орон даяар бүх хүн мэдэж байгаа УИХ-ын 24 дүгээр тойргийг ойшоож үзэхгүй байгаа Ч.Ганбат хэрэг түвэгт орооцолдсон, хохирсон иргэдийг чирэгдүүлэхгүй байж чадахгүй нь тодорхой. Ийм байж тэр нөхөр дахин уг албан тушаалд томилогдох санаатай байгаа шүү.

Г.ЭРДЭНЭБАТ
(өдрийн сонин 2005-09-23 229)