Эмэгтэй хүний Бэлгийн дааврын нөлөөгөөр сарын тэмдэг ба жирэмсний үед хөхөнд гарах өөрчлөлтүүд нь хэвийн үзэгдэл юм. Зарим эмэгтэйд хэвийн биш өөрчлөлтүүд тухайлбал өвдөлт үүсэх, хавдах, ургацаг ургах, бэрсүү бий болох, хөхний товчноос идээрхэг, цусархаг зүйл гарах зэрэг шинжүүд илэрч болно. Иймд хөхөө өөрөө шалгаж ямар нэгэн өөрчлөлт байгаа эсэхийг мэддэг болох нь чухал ач холбогдолтой.
Yүнд
өөрийн биеийн нэг хэсгийг таньж мэднэ.
Хорт хавдартай бол эрт үед нь илэрүүлэх боломжтой.
Хөхөө өөрөө шалгаснаар хөхний хорт хавдрын 80%-ыг оношлож болдог байна. Сарын тэмдэг ирэхийн өмнөхөн хөхний эдэд илүүдэл шингэн хуримтлагддаг учраас хэмжээгээрээ бага зэрэг томорч, хөндүүрлэж болно. Энэхүү шингэн шимэгдэсний дараа хөх хэвийн хэмжээнд орно. Энэ хэвийн өөрчлөлт нь цэвэршиххүртэл сар бүр тохиолддог зүйл юм. Та хөхөө шалгахдаа хөхний товчийг тойруулан тойрог маягаар эсвэл шулуун шугамаар эсвэл цацраг маягаар иллэг хийн шалгаж болно. 20-40 насанд гурван жилд нэг удаа эсвэл жил бүр эмэгтэйчүүдийн эмчид хандах хэрэгтэйг эмч зөвлөж байна. 40-с дээш насны эмэгтэйчүүд жил бүр хөхөө мэргэжлийн эмчид үзүүлж байвал хөхний хорт хавдар туссахгүй бөгөөд эрт оношилж болдог юм байна. Эмнэлэгт очин үзүүлхэд танаас хөхний рентген зураг авах бөгөөд 40 хүртлэх насанд шаардлагатай бол, 40-49 насанд 1-2 жилд нэг удаа, 50-с дээш насанд жил бүр энэ рентген зураг авхуулах хэрэгтэйг та анхаарна уу! Та хөхөө хэзээ шалгаж болох вэ? гэвэл анхны сарын тэмдэг ирж эхэлсэн үеэс шалгаж байхнь зүйтэй гэсэн ч одоо юу оройтох билээ. Ихэнх эмэгтэйчүүд усанд орж байхдаа шалгаж байх нь дээр гэж үздэг. Учир нь савантай гөлгөр арьсан дээр ямар нэгэн өөрчлөлт амархан мэдрэгддэг гэдэг энэ нь ч зөв байна. Сар бүр тогтсон нэг өдөр эсвэл сарын тэмдэг дууссанаас хойш 2-3 хоногийн дараа шалгах нь үр дүнтэй байдаг. Учир нь энэ үед хөх зөөлөрч, хэвийн байдалдаа орсон байх тул шалгахад хялбар байдаг байна. Цэвэршсэн эмэгтэйчүүдийн хувьд тодорхой нэг өдөр, эсвэл сарын эхний хоногийг сонгох нь зохистой.
Та хөхөө шалгах нь хялбар бөгөөд толь, дэр, эсвэл алчуур хэрэглэнэ.
Биеэ бүсэлхий хүртэл нүцэглээд гараа биеийн дагуу унжуулан толинд харж хөхөн дээрээ ямар нэг хонхорхой, овгор, ургацаг эсвэл арьсан дээр өөрчлөлт байгаа эсэхийг сайн хар.
Хөхний толгойг эрхий ба долоовор хуруугаар зөөлөн чимхэж, ямар нэг зүйл, шингэн ялгадас гарч байгаа эсэхийг үз.
Толины өмнө зогссон хэвээр хоёр гараа толгойныхоо ард авна. Дахин хонхор, овгор, хавдар байгаа эсэх, хэлбэр нь урьд сарынхаас өөрчлөгдсөн эсэхийг ажигла.
Хоёр гараа ташаандаа авч мөр ба далаа урагшлуулан ямар нэг өөрчлөлт байгаа эсэхийг дахин сайн хар.
Зүүн гараа тохойгоороо нугалан дээш өргөнө. Баруун гарын хурууны өндгөөр зүүн талын хөхийг зөөлөн тэмтэрч үзнэ. Дараа нь арай чанга дарж ямар нэг бэрсүү, ургацаг байгаа эсэхийг шалга. Дараа нь бас эсрэг талаа ийнхүү шалга.
Нуруугаараа гэдэргээ харж хэвтээд дэр, эсвэл хуйлж эвхсэн ванны алчуурыг зүүн мөрний доор ивнэ. Зүүн гараа тохойгоороо нугалан толгойн ард авч хурууныхаа өндгөөр зүүн хөх орчим хэсэг тэмтэрч үзнэ. Yүнтэй адилаар баруун хөхөө шалгаарай.
Хөхөө хэвтээ байдалд шалгах нь хөхний эдийн байрлал өөрчлөгдсөнөөс ямар нэг өөрчлөлтийг илэрүүлж болно. Хэрэв шалгаж байх явцад хөндүүрлэх, бэрсүү үүссэн байх, ямар нэг зүйл хөхний толгойооос гарч байвал та эмэгэлэгт яаралтай хандаж үзүүлж зөвлөгөө аваарай гэж зөвлөж байна.

Т.Оргил /olloo mn/