Нүдний даралт нь сул хараа, сохрол үүсгэдэг нүдний өвчний дотор зонхилох хувийг эзэлдэг өвчин юм. Эрт илрүүлж эмчилбэл үр дүнтэй байдаг.
Нүдний даралт илрэх гол зовиур нь Нүд чилэх, бүрэлзэх, манан татах, гэрэл солонгорох, нүд ядрах зэрэг олон зовиур гарах ба мэдэгдэхгүйгээр сул илрэх юмуу анзаарагдахгүй ч байх тал байж болдог.
Ихэвчлэн 40-өөс дээш насныханд илбэг тохиолддог. Урьдчилан сэргийлэх мөн эрт илрүүлэх зорилгоор 40-өөс дээш настай хүмүүс мөн зовиур илрэч сэжигтэй байгаа хүмүүс жилд 1 удаа нүдний эмчийн үзлэгт хамрагдан үзүүлж зөвлөгөө авч байх нь чухал байдаг. Гэвч нүдний даралт ихсэх өвчин нь нас, хүйс харгалзалгүйгээр тохиолддог бөгөөд төрлөхийн байх ч хандлага их байдаг. Төрлөхийн тохиолдол нь хүүхдийг нярай үед мөн бага насанд илэрдэг. Удамших хандлага сүүлийн үед их байгаа. Хараа муудах, сохрох гол шалтгаан нь Нүдний дотоод даралт их байсны улмаас харааны мэдрэлийн эсүүдийн үхжил болдог. Нэгэнт үхжсэн мэдрэлийн эс дахин сэргэдэггүй учир нүдний даралтыг тогтмол хэвийн хэмжээнд байлгахад эмчилгээний гол зорилго байдаг. Хэрэв даралттай гэж оношлогдсон бол эмчийн хяналтанд байж эм таслахгүй дусааж байх нь зайлшгүй шаардлагатай. Эрүүл ахуйн баримталвал зохих дэглэм бол харааны хэт ядралгүй байх, витаминаар баялаг хоол тэжээл хэрэглэх, хараа хамгаалах дасгал тогтмол хийх, эмчийн заавраар витамин хэрэглэх зэрэг байж болно.
Нүдний дусаалга нь хүнд ямар ч гаж нөлөөгүй гэж эмч зөвлөж байна. Хараа муудсан хойно нь хамгаалах биш эрүүл байхад нь хамгаалцгаая!!! гэсэн зөвлөгөөнд нүдний дусаалга хэрэглэх нь буруу юу? гэж асуусан асуултанд хариулт өгөхөөр Таимаа эмнэлэгийн эмч Д.Янжиндуламаас тодруултал гаж нөлөө огтхон ч байхгүй харин ч тэжээл болж өгдөг гэж зөвлөж байна. Ямар ч дусаалга нь А, С, В, В6, В12 витаминаар баялаг байдаг байна. дусаалга нь хуурайшихаас сэргийлэх, улайлт дарах, тэжээл өгөх олон давуу талтай. Эцэст нь хэлэхэд дусаалга ямар ч муу нөлөөгүй.
Компьютер дээр олон цаг суудаг хүмүүст хандан Та л нүдээ хамгаалахгүй бол хэн ч таны нүднийг хамгаалахгүй. Тэр дундаа компьютер таныг хэзээ ч хамгаалахгүйг та мэднэ тиймээс шил зүүх, нүдний дасгал хийх зэргээр хамгаалах нь чухал байна. Аль болох олон цагаар суухгүй байхыг хичээ. Энэ нь таныг ажилаа хаяаад бай гэсэн үг огтхон ч биш гэдгийг анхаараарай.
Солир засах тухайд гэвэл Yндсэн хоёр арга байна. Нэгдэх нь мэс засал, хоёр дахь нь шил зүүж засах буюу тогтоох арга. Нүдний шил зүүж тогтоох аргын хувьд цөөн тохиолдолд засардаг байна. Ихэнх тохиолдолд мэс ажилбараар засардаг. Yр дүн нь ч сайн байдаг гэнэ. Мэргэжлийн эмчид үзүүлээд шил зүүх үү? аль эсвэл мэс засал хийлгэх үү? гэдгээ асууж зөвлөгөө авах нь илүү үр дүнд хүрнэ гэдгийг та мэдэх байхаа.

Т. Оргил /olloo.mn/