100 саяаар хийгдэж байгаа энэ киноны анхны зураг авалтыг Төв аймгийн Эрдэнэ сумын нутагт Чингисийн их хуралдайн хуралдааны, их засаг хууль батлах, тэмүүжинг хаан ширээнд залах ёслолын зэрэг гол гол зургуудыг авахаар ажилдаа орж нилээд олон хүний бүрэлдэхүүнтэй очлоо. Тэнд 300 гаад хүний багтаамжтай 20 ханатай асар том гэрийг барьжээ. Киноны туслах найруулагчар дэлхийн дээвэр Еверистэд эх орныхоо тугийг мандуулаад ирсэн уран бүтээлч, найруулагч Р. Тулга ажиллаж байгаа юм. Чингисийн гол дүрд та бидний дунд Хасар нэрээр нэрлэгдсэн СТА жүжигчин Жаргалсайхан тоглож байгаа. Өүлэн эхэд ДБЭЧ-ын дуучин С.Цогтсайхан, Бөртэ хатанд дэлхийн фото мисс Б.Содтуяа нарын нэртэй хүмүүс тоглож байгаа нь их содон байлаа. МУГЖ Б.Дамчаа гуай энэ кинонд бөө зайрангийн дүрд нь тоглож байгаа юм. Хуагчин эмгэнд МУАЖ Б. Мэндбаяр, Тоорил хаанд АЖ П.Цэрэндагва, Есүхэйд Равдан, Дайсэцэнд Итгэлт баян Очирбат , Цотон хатанд СТА жүжигчин Б.Цэцгээ нар тоглож байна. Кинонд Д.Жигжидийн нэрэмжит Кино урлагийн дээд сургуулийн бүх оюутнууд оролцон тоглож байгаа. Киноы Төв аймгийн нутаг дахь зураг авалт 20 хоног явагдаад Хэнтий аймагт үргэлжлэх юм.

Я.Одгэрэл
/Оллоо.мн /