Тэгвэл энэ сарын сүүлчээр нийт нутгаар нойтон цас их орж, цасан шуурга шуурч, эрс сэрүүсэхийг Ус цаг уурын орчны шинжилгээний төвөөс тогтоожээ. Харин сарын сүүлчийн өдрүүд энэ долоо хоногт таарч байгааг эрхэм уншигч та анхааралдаа аваарай.
Өчигдрөөс эхлээд 29-нийг хүртэл баруун зүгийн зарим газар, төвийн нутгийн хойд хэсгээр нойтон цас орж эхлэн. 27, 28-нд нутгийн хойд хэсгээр хур тунадас, 30-нд зарим газраар нойтон цас орно. Энэ цас аравдугаар сарын 1-нийг хүртэл үргэлжилж, бүр нутгийн зүүн хагаст зарим үед секундэд 24 метр хүртэл ширүүсч шороон болон цасан шуурга болж хувирах нь. Ихэнх хугацаанд нутгийн хойд хэсгээр сэрүүхэн, Алтай, Хангай, Хөвсгөл, Хэнтийн уулархаг нутгаар шөнөдөө 4-9 градус хүйтэн, өдөртөө 3 градус дулаанаас 2 градус хүйтэн байна. Харин говийн бүс нутгаар шөнөдөө 3-8 градус, өдөртөө 12-17 градус дулаан бусад нутгаар шөнөдөө 1-6 градус хүйтэн, өдөртөө 8-13 градус дулаан байхыг заажээ. 30-нд нутгийн баруун хагаст, аравдугаар сарын 1-нд бүх нутгаар сэрүүсэх аж.

Б.ХАШ

Цаг агаар
Баруун аймгуудын нутгаар Үүлшинэ. Шөнөдөө зарим газраар, өдөртөө нутгийн хойд хэсгээр хур тунадас орно.Алтай, Хангайн уулархаг нутгаар сэрүүсч 0-5 градус дулаан, Алтайн өвөр говиор 15-20, бусад нутгаар сэрүүсч 5-10 градус дулаан байна.
Төвийн аймгуудын нутгаарҮүлшинэ. Нутгийн хойд хэсгээр хур тунадас орно. Салхи баруун өмнөөс баруун хойш эргэж зарим газраар түр зуур 16 м/сек хүртэл ширүүсч зөөлөн шороон шуурга шуурна. Хангай, Хөвсгөл, Хэнтийн уулархаг нутгаар сэрүүсч 1-6 бусад нутгаар 10-15 градус дулаан байна.
Зүүн аймгуудын нутгаар Үүлшиж нутгийн хойд хэсгээр хур тунадас орно. Салхи баруун өмнөөс хойш эргэж 12-14 м/сек хүрч шороон шуурга шуурна, 18-23 градус дулаан байна.
Говийн аймгуудын нутгаар Багавтар үүлтэй. Бороо орохгүй. Салхи зарим газраар 12-14 м/сек хүртэл ширүүсч зөөлөн шороон шуурга шуурна. 18-23 градус дулаан байна.
Улаанбаатар хот орчмоор Үүлшинэ. Ялимгүй хур тунадас орно. Салхи баруун өмнөөс баруун хойш эргэж секундэд 7-12 метр, зөөлөн шороон шуурга шуурна. 13-15 градус дулаан байна.

Ус, цаг уурын хүрээлэн
(өдрийн сонин 2005-09-27 232)