Бид суврага, сүм дуганаар Гороо эргэх бүрдэх бүрдээ бурхан багшийн ачийг дурсаж өөрсдийн биед буян хураана.
Иймээс нийт сүсэгтэн олон суврага шүтээн болон сүм дуганд элдэв тос, шүдэнз болон гар зэргийг хүргэлгүй, аль мэдэх маань мэгзим таринаа уншин эргэл үйлдэх нь зөв шүтэх ёс юм.
1. Бадам бүнбийн суврага буюу Лянхуа цэцэг овоолсон суврага. /Бурхан багшийн мэндэлсний дурсгалд зориулав./
2. Жанчив чоддэн буюу Бодьсадвын суврага. /Бурхан багшийг Бодьсадваа хэмээн алдаршсаны дурсгалд зориулав./
3. Чойнхор чоддэн буюу номын хүрдийг эргүүлсэн суврага. /Бурхан багш анх номын хүрд эргүүлсний дурсгалд зориулав./
4. Лхавав чоддэн буюу тэнгэрээс бууж заларсан суврага. /Бурхан багш 33-н тэнгэрийн оронд очиж эх Зүмпрүлмаагийн хойдын буянд зориулж түшид буюу ганданд 105-н хоног яр хайлан таалаад доор замбуулинд бууж ирсний дурсгалд зориулж тэнгэрээс бууж ирсэн гэдэг суврага босгожээ./
5. Чойнпрүл чоддэн буюу Номын хувилгаан үзүүлсэн суврага. /Бурхан багш их балгад Нян ёд буюу Янбаажанд номын рид хувилгааныг олон удаа үзүүлж тэрсүүдийн 6 багшийг номхотгосны дурсгалд зориулж номын хувилгаан үзүүлсэн суврагыг байгуулжээ./
6. Ендүм чоддэн буюу Хуврагуудыг эвлэлдүүлсэн суврага. /Хуврагууд үзэл онол үл зохицолдож, үймцсэн учир Бурхан багш заларч тэднийг эв зохилдлогоонд оруулан ном номлосны дурсгалд зориулж босгожээ./
7. Намжал чоддэн буюу Тийн ялгагч суврага. /Бурхан багш амьтны тусын тулд олон амьтны нас биеийг бататгахын тухай олон ном айлдаж адистидлэсний дурсгалд зориулж их балгад Янбаажанд Намжал чоддэн буюу Тийн ялгагч хэмээн суврага босгожээ./
8. Няндай чоддэн буюу Гаслангаас нөгчсөн суврага. /Бурхан багшийн их балгад Зачог буюу Гуша нагараад их шамдалаар чухал амирласан тэр цагт хүчин бөхчүүд тахилыг сайтар үйлдэж, Бурхан багшийн гаслангаас нөгчих /нирваан/ дүр үзүүлсэнд зориулж Няндай буюу Гаслангаас нөгчсөн хэмээх суврага босгожээ

/Бурхан шашины Номын хүрдэн клубтэй хамтран бэлтгэв/

Ж.Алт