Ахаа. Та хуврага хүн тул энийг идвэл бузартана гээд арван мөнгөн зоос өргөжээ. Жанчивчоймбэл есөн зоосоор тос, арвайн гурил худалдаж аваад их бага хоёр зуу зэрэгт зул, үргэлжийн тахилуудад өргөж аврал гуйв. Зууд шалсай, Лхасын их ерөөлд арвайн гурилд нэмэрлэв. Нэг зоосоор амжиргаагаа залгуулж түүнээс арвайн гурилаар ер тасраагүй агаад хожим нь Гандан ширээт болов гэдэг.
Лам гурван эрдэнийг тахихад хэрэгсэл аль байгаагаараа тахивал зохино. Лондол лам даяанд сууж байхдаа, тахилын цөгц анхандаа байгаагүй учир тагшаа гурав угаагаад усан тахил өдөрт гурав өргөдөг байжээ. Нэгэн Лхаарамба зуугийн газар сургууль хийх үес, тэнд тос ховордож зул өргөх нь цөөрсөн тул Далай ламд айлтгавал зуугийн өмнөх зулын том цөгцөнд тос цутгахдаа амсраар нь сагуулан цутга гэсэнд тийн хэлснээр тос арвидав гэдэг.
Тахилын эдэд цэцэг, эрхи, хүж, сүрчиг, талх, хувцас, чимэг, шүхэр, ялгуусны тэмдэг, манжилга зэрэг арван зүйл ордог байна.
Дөрөвдүгээр дүрийн богд Жавзандамба Амт бага, хэмжээ их балин, амт сайн хэмжээ бага балин, ганц том цөгцтэй зул, олон жижиг цөгцөд зул өргөх эдгээрийн аль нь сайн буй хэмээн Далай багшид айлтгавал бодийн сэтгэлээр үүдэгдсэн бол бүгд адилхан гэжээ.

/Бурхан шашины Номын хүрдэн клубтэй хамтран бэлтгэв/

Ж.Алт