Францын судлаач П. Ножье жирэмслэлтээс сэргийлэх сонин арга сэджээ. Түүний үзэж байгаагаар өдөр бүр 2-3 удаа 3-4 мин-ийн турш чихнийхээ угалзыг ёроолоос нь төгсгөл рүү нь маш зөөлхөн илвээс ямар ч байсан жирэмсэн болохгүй гэнэ. Үүнийг туршаад үзээрэй бүсгүйчүүдээ.
Хүний эрүүл мэндийн байдалд чихний дэлбээг үндэслэн зарим онош тавьж болно. Баруун, зүн чихийг сайн ажиглавал үл мэдэгдэх ялгаа бий. Хоёр чих мэдэгдэхүйц ялгаатай бол бие махбодийн хөгжилд ямар нэгэн гажуудал байна гэсэн үг. Баруун зүүн чих ижилхэн бөгөөд углз нуруу нь тод бол эрүүл чийрэгийн шинж . Чихний дэлбээ том, гэдэс нь зузаан урт, угалзны өөдөөс харсан нуруу тод хүмүүс урт насалдаг байна.
Ходоод гэдэсний шархтай хүмүүсийн ихэнх нь чихний угалзны төгсгөл дэх ходоодны цэг бага зэрэг төвийнө.
Ходоодыг тайрсны дараа тэрхүү төвгөр нь хадуур хэлбэрийн цайвар өнгөтэй жижиг сорви лугаа үзэгдэнэ.
Өвчин эмгэгийн үед чихний дэлбээн арьсны мэдрэмж хийгээд цахилгаан дамжуулах чадвар өөрчлөггдөг. Харин хүн эрүүл үед цхаилгаан дамжуулах чадвар нь тогтвортой байдаг.
Чих өвдөж булагтахад цагаан архинд сармис сонгино хийж хонуулаад дусаахад сайн. Чих өвчтэй үед гаа, давирхай, сармис гурвыг тосонд найруулж чихээ бөглөнө. Хий хүйтнээр чих дүлийрвэл сармисыг халуун шар тосонд дүрж түүгээр чихээ бөглөвөл зүгээр болно. Сармис, лишь, задь, 3-ыг хувь тэнцүү хольж шар усанд буцалган чихэндээ 3 удаа дусаавал халуун хүйтнээс болсон чихний өвчинд тустай. Идээ булаг их гоождог чихэнд сармисны шингэрүүлсэн шүүсийг өдөрт 1-3 удаа дусаахад чихний булагтах өвчин хурдан намдана. Цагаан сармисыг зөөлөн гал дээр чанаж болгоод шахаж гаргасаг шүүсийг чихэндээ дусааж бөглөхөд зуурдын дүлийг бүрэн арилгаж болно.
Хорхой орсон чихэнд жаахан өмхийрсөн тос дусаавал амархан гарна. Сонсгол муудахад муурын шээс дусаавал сонсгол сайжрана.