Ойролцоогоор 30 гаруй орны жүжигчид 90 орчим үзүүлбэрээр Алтан арслан -гийн төлөө өрсөлддөг. Өсвөрийн циркчдийн Хөх асрын бяцхан одод тоглолтын Бороо үзүүлбэр гадаадад явах гэж байна. Yзүүлбэрийг циркийн дэргэдэх МУ-ын СТА Д.Отгонцэцэг багштай уран нугаралтын дөрвөн охин дөрвөн жилийн турш бэлджээ. Тэд энэ олон жилийнхээ ажлыг дүгнүүлэхээр Хятад улсыг зорих гээд бэлтгэлээ хангаад дууссан байгаа юм. Манай улс энэ тэмцээнээс Мөнгөн арслан нэг Хүрэл арслан -г 2 удаа авч байсан. Энэ удаагий тэмцээнд эдгээр залуу жүжигчдээс гадна Улсын циркийн уран сайхны удирдагч, Найруулагч Д. Зориг бас оролцож тэмцээний дараа Монгол циркийн урлагийн онцлог өнөөгийн байдал, гадаад харилцаа сэдвээр лекц унших юм. Тэрээр Хятад улс болон Италийн Алтан цирк- ийн наадам болоод Унгарийн орнуудад зохиогдож байсан олон уралдаан наадамд шүүгчээр ажиллаж оролцож байсан туршлагатай хүн юм.

Я.Одгэрэл
/Olloo.mn/