Нийт эмэгтэйчүүдийн 20 хувь нь уг өвчнөөр өвчилж, өвчлөгсдийн дөрөвний нэгд архашдаг. Өвчилний дараа жил хагаст, зарим эмэгтэйчүүдэд 2-3 сар тутамд дахидаг.

Хавар, намар буюу халуун, хүйтний завсрын улиралд ихэвчлэн тохиолддог уг өвчин нь давсаг, шээсний сувгийн үрэвсэл юм. Өвчин үүсгэгч бичил биетэн шээсний сүвээр суваг ба давсганд дамжина. Давсагны үрэвсэл нь өвдөлт ихтэй, тархалтаараа охид, эмэгтэйчүүдийн дунд хамрын ханиадны дараа буюу хоёрдугаарт ордог.
Нийт эмэгтэйчүүдийн 20 хувь нь уг өвчнөөр өвчилж, өвчлөгсдийн дөрөвний нэгд архагшдаг. Өвчилсний дараа жил хагаст, зарим эмэгтэйчүүүдэд 2-3 сар тутамд дахидаг.

Шинж тэмдэг.
Шээх үед шээсний сувгаар шархирч өвдөх, шээсний сүв орчимд загатнах, ойр ойрхон шээх, шээхдээ хүчтэй дүлэх шинжээр илэрнэ. Өвчин нь давсганд халдвар орсноос хоёр хоногийн дараа эхэлнэ.Шээс эхний үед тунгалаг байснаа булингартай, улаавтар / идээ цус ялгарснаас / болно. Давсагны үрэвсэл нь охид, эмэгтэйчүүдийн биеийн эсэргүүцэл буурах, ядарч сульдсаны дохио болох нь олонтаа. Иймд эмийн эмчилгээний зэрэгцээ чанартай, витаминлаг хоол идэж амрах, сайн унтах, гимнастик хийх нь чухал ажээ.
Давсагны үрэвслийн шалтгаан нь жирийн бичил биетэн, нянгаас харшил хуртэл олон янз. Гэдсэнд амьдардаг савханцараар үүсгэгдэх ньэ лбэг байдаг. Эрс тэс уур амьсгалтай манай орны нөхцөлд хүйтэн жавар, салхинд даарч хөрөх нь уг өвчин үүсэх, дахихын гол шалтгаан болдог.
Давсагны үрэвслээр ихэвчлэн эмэгтэйчүүд өвддөг нь тэдний шээс, бэлэг эрхтэний онцлогтой холбоотой. Эмэгтэйчүүдийн шээсний суваг богино, өргөн, сүв нь сав ба хошногонд ойрхон байрлах учир тэдгээрээс нян чөлөөтэй дамжих боломж их бий. Байнга ингэж халдвар дамжсанаар эмэгтэйн шээс, бэлгийн гадна эрхтэнүүдэд халдварын архаг голомт үүсдэг.

Яаж сэргийлэх вэ
Юуны өмнө шээхдээ хүчлэн дүлж болохгүй. Шээсээр дүүрсэн давсагны уусны судсууд дарагдсан байдаг бөгөөд энэ үед дүлэхэд цусны гүйдэл саадтай болж халдварлах боломж ихэсдэг. Шээс их хуримтлагдах нь бичил биетэн өсч үржих таатай нөхцөл болдог учир шээсээ барих нь буруу юм.
Хувийн ариун цэвэр онцгой ач холбогдолтой. Охид,эмэгтэйчүүд шээсний сүв, гадна бэлэг эрхтэнийг өдөрт хоёр удаа / өглөө, оройд / угаах хэрэгтэй. Химийн бодисын найрлага бүхий үнэртэй ус, аэрозоль, тос хэрэглэвэл гадна бэлэг эрхтэн шээсний сүвийн салст цочирч тэр хэсгийн хүчил шүлтийн орчин өөрчлөгдөн нян үржих нөхцөл болдог. Ваннад орсноос шүршүүрт орох нь эрүүл ахуйн хувьд илүү зохимжтой. Давсагны үрэвслээр өвчилсөн бол бариу, нейлон, нийлэг бус биед таарсан цэвэр даавуун дотоож илүү чухал. Өдөр бүр 6-8 аяга буцалсан ус ууж занших хэрэгтэй.

Эмчилгээ
Бүсэлхийн дотоод хэсэг, давсаг орчим халуун жин тавина. Хуурсан, шарсан хурц хоол, халуун ногоо, архи дарс, хийжүүлсэн ундааг хориглоно. Харин тараг, жимс, ногоо ялангуяа шинэ өргөст хэмх, тарвас зэргийг хэрэглэх нь шээсний ялгаралтыг ихэсгэн замыг нь цэвэрлэдэг. Хүчтэй өвдөж байвал парацитамол, баралгин, ношпа, эуфиллины аль нэгийг ууна. Бусад эмийг зөвхөн эмчийн заавраар хэрэглэнэ. Ургамлын гаралтай шээс туух ханд, цай хэрэглэх ньб өөр, шээсний замын өвчинд сайн нөлөөтэй. Жишээ нь манай нөхцөлд тэхийн шээг, нохойн хошуу, аньсны навч зэргийг хэрэглэдэг.
Өрхийн болон урологийн эмчид хандаж эмчилгээг зөв дэс дараалалтай бүрэн хийлгэнэ. Өөрийгөө эмчлэх нь өвчин архагших нөхцөл болдог. Энэ өвчинг хайхралгүй орхиж болохгүй. Давсагнаас бичил биетэн дээш өгсөж бөөрийг гэмтээх аюултай.

/Инфо/