Гэтэл одоо тэдний үр хүүхэд монголчуудыг зодож эхлэв. Зодох нь байтугай бүр хутгалж, эрүүл мэндийг нь хохироосон хэрэг Сүхбаатар дүүргийн нутаг дэвсгэрт энэ сарын 27-ны өдөр гарлаа. Нийслэлийн 3 болон 16 дугаар дунд сургууль тус дүүргийн IX хорооны нутагт хаяа хатган оршдог. Гэтэл 16 дугаар дунд сургуулийн 8-ын б бүлэгт суралцдаг, тус дүүргийн 12 дугаар хорооны Хангайн 7-264 тоотод оршин суух хаягтай Пан Си Пи овогтой Пан Вай Во гэгч зэргэлдээх гуравдугаар сургуулийнхаа 9-ийн а ангид сурдаг М.Билгүүнийг өдөөн хоргоож зодон, улмаар нуруун тус газарт нь хутгалж, эрүүл мэндийг нь хохироожээ. Хэргийг Сүхбаатар дүүргийн Цагдаагийн хэлтсийн мөрдөн байцаагч, цагдаагийн дэслэгч Ө.Ундрал шалгаж байгаа юм байна. Энэ талаар тодруулахаар 15.00 цагийн үед тус хэлтэс дээр очиж баицаагч бүсгүйтэй уулзахад Хутгалуулсан хүүхэд яг одоо хагалгаанд орох гэж байгаа. Хятад хүүхэд нь орчуулагчгүйгээр мэдүүлэг өгч чадахгүй гэсэн тул байцаалт аваагүй байна. Тиймээс тодорхой мэдээлэл өгөх боломжгүй гэсэн хариу өгөв. Харин хүүхдүүдийн су-ралцдаг сургуулиуд дээр очиж ангийн багш нартай нь уулзахыг хүссэн боловч ахлах ангийн багш нар тул хэдийнэ явцгаасан байлаа. Юутай ч бидний олж мэдсэнээр Пан Вай Во нь Зоригоо гэдэг монгол нэртэй бөгөөд дүү Солонго (мөн монгол нэр нь)-ын хамт 16 дугаар дунд сургуулийн 8-ын б ангид хамт сурдаг аж. Тэд яг хэддүгээр ангиасаа эл монгол сургуульд суралцаж эхэлсэн нь тодорхойгүй ч өнгөрсөн жил буюу долдугаар ангидаа лав энд сурч байсан гэдгийг нь хүүхдүүд баталж байна. Монголоор тиим сайн ярьж чадахгүй ч байцаалт өгөх хэмжээний монгол үгсийн сантай гэнэ. Тэрээр бүр гэгээн цагаан өдөр, хүүхдүүдийн нүдэн дээр 13.00 цагийн үед хохирогчийг хутгалсан байна. Түүний танхай, балмад эл үйлдлийг тус дүүргийн X хорооны хэсгийн баицаагч нар таслан зогеоожээ.

С.МАРАЛ
(өдрийн сонин 2005-09-29 235)