Зоогт Сайд нарын Зөвлөлийн Ерөнхий сайд асан Д.Содном, орлогч даргаар ажиллаж байсан М.Пэлжээ, Д.Гомбожав, Хэрэг эрхлэх газрын даргаар ажиллаж байсан З.Саарал зэрэг төр, нийгмийн ахмад зүтгэлтнүүд уригдан оролцож халуун дотно яриа өрнүүллээ. Монгол Улсын Ерөнхий сайд Ц.Элбэгдорж ахмад настнууддаа эрүүл энх, сайн сайхныг хүсэхийн зэрэгцээ, үнэ цэнэтэй үг сургаалиа залуучууд, дүү нартаа харамгүй хайрлаж, дэмжиж, зөвлөж явахыг хүсэв. Ахмадууд, залуучуудын залгамж тасалдаж болохгүйг Ерөнхий сайд чухалчлан өгүүлэв. Жил бүрийн энэ өдөр ЗГХЭГ-ынхан ахмадуудтайгаа уулзан, тэдэнтэйгээ богинохон хугацаанд ч болов бужигнаж өнждөг уламжлалтай. Энэхүү тогтсон уламжлалынхаа дагуу ЗГХЭГ-ын дарга С.Баярцогт ахмад настнууддаа мөнгөн тусламж олгон, тэдний санал хүсэлтийг судалж шийдвэрлэхээ илэрхийлэв хэмээн Засгийн газрын Хэвлэл мэдээллийн албанаас мэдээллээ.

(өдрийн сонин 2005-09-30 236)