Нийслэлийн засаг даргын дараагийн хамгийн том албан тушаал бол Нийслэлийн Ерөнхий архитектор гэдэг алба. Асар том бялуу. Энэ албыг Ойрын жилүүдэд Цэнгэл, Болд зэрэг олны танил хүмүүс хашиж байгаад өнгөрсөн дөрвөдүгээр сард Б.Саянбуянд өгсөн. Амиа егүүтгэгч ердөө 38 настай. Хоёр хүүхэдтэй,. Нийтийн байранд их л даруухан амьдарч байж Ямар нэгэн учир начиргүй үхэл гэж байдаггүй. Тэр дундаа томоохон албан тушаалтны хувьд. Сайнбуянг амиа хорлоход юу нөлөөлөв. Талийгаачийн хашиж явсан албан тушаал хэнд хэрэгтэй байв. Ер нь Ерөнхий архитектор гэдэг ямар шийд гаргадаг хүн байв.
Сүүлийн үед баримтлах болсон бодлого. Хэн дарамтлав гэдгийг нь хүртэл таамагласан битүү хатуу бөөн цуу яриа явж байна. Улаанбаатар хотын ерөнхий архитекторыг хотын засаг дарга томилж бас өөрчилдөг. Энэ эрх үүргээ хэнтэй ч хуваалцдаггүй. Өнгөрсөн дөрөвдүгээр сард Саянбуян томилогдсноосоо хойш газрын албаныхантай ёстой дайн зарласан гэдэг. Сүүлийн үед гэхэд нэг давхрын асуудалд зөвшөөрөл өгөхгүй болсон. Нэг давхрыг өргөтгөхөөс эхлээд бүхэл бүтэн байшин барих эцсийн гарын үсгийг ерөнхий архитектор зурдаг. Тэр хүн нийслэл хотод хаана ямар барилга барих вэ гэдгийг хамгийн сүүлд баталгаажуулж гарын үсэг зурдаг нэгэн байв. Б.Сайнбуянг М.Энхболд өөрийнхөө хот байгуулалтын зөвлөх бөгөөд хотын ерөнхий архитектороор томилоход олны ам сайн байсан. Тэр нэгд залуу хүн, хотыг хот шиг байлгахын төлөө тэмцэж чадна хоёрт, их шударга ажиллассан. Энэ чанараараа мөн ч олон хүнийг гомдоож гарын үсэг өгөлгүй хөөж гаргасан тухай мэдээ байна. Харин сүүлийн үед М.Энхболдыг их хуралд суух болоход хамгийн их харамссан гэж ярьж байна. Газрын зөвшөөрөл нь олгогдсон мөртлөө гарын үсэг зурагдаагүй барилга хэдэн зуугаараа байдаг г энэ.
МАХН дотор нийсэлийн засаг дарга гэдэг албан тушаалд шунагсад бүр ил цагаандаа гарч Н.Энхбаярын болон С.Баярын бүлэглэл хоорондоо зад үзэлцэж байна. Нийслэлийн Засаг даргын албан тушаалыг авлаа гэхэд түүнтэй хамт хамгийн хэрэгцээтэй албан тушаал бол Ерөнхий архитектор. Гэвч тэр залуу гэнэт гэгээн цагаан өдөр өөрийгөө буудчихлаа. Харин манайхаас бусад орнуудад энэ чухал албан тушаал төрийн хамгаалалтанд байдаг. Түүний зөвшөөрч зурсан гарын үсгийг давхар баталгаажуулдаг гэлээ. Юу болоод байна даа цаана чинь.

/Дээдсийн хүрээлэн 2005.10/