Уг саналд
Тэтгэвэрт гарсан иргэдийн тэтгэвэр нь тогтоолгосон оноосоо хамааран нэлээд зөрүүтэй байгаа, тэдний тэтгэврийн хэмжээ амьжиргааны наад захын хэрэгцээг хангахгүй байгаа тухай ахмадууд Монгол Улсын төрийн тэргүүнд хандаж санал, хүсэлтээ удаа дараа ирүүлж байна.
Иймд нийгмийн даатгалын хамрах хүрээг өргөжүүлэх, шимтгэл, хураамжийг цаг тухайд нь төлүүлэх, өр авлагыг барагдуулах, нийгмийн даатгалын сангуудын бие даасан байдал, өөрийгөө санхүүжүүлэх чадварыг дээшлүүлэх замаар хөрөнгийн нэмэлт эх үүсвэр бүрдүүлж дараахь арга хэмжээ авахыг Засгийн газарт санал болгож байна.
Yүнд
1. Тэтгэвэр бодох, хөдөлмөрийн хөлс, түүнтэй адилтгах орлогыг тооцоход хэрэглэх итгэлцүүр-ийг шинэчлэн тогтоож, энэхүү итгэлцүүрийг үндэслэн анх тэтгэвэр тогтоолгосон цалин, хөдөлмөрийн хөлсний хэмжээг 2006 оны эхний хагаст багтаан шинэчлэн тооцож тэтгэврийг нэмэгдүүлэх;
2. Өндөр насны тэтгэврийн доод хэмжээг хөдөлмөрийн хөлсний доод хэмжээтэй уялдуулан тогтоож байх, улмаар хөдөлмөрийн хөлсний доод хэмжээнд хүргэх арга хэмжээ авах-ыг санал болгосон байна.