Энэ судалгааны дүнд Европын болон зүүн азийн өндөр хөгжилтэй орнуудад хамгийн их гар утас хэрэглэдэг болох нь тогтоогджээ. Нэгдүгээр байрыг Тайвань эзэлсэн бөгөөд энэ оронд 10000 хүн тутамд хүний тооноосоо давсан буюу 10645 гар утас ноогддог ажээ. Хоёрдугаар байранд Европын Люксембург 10000 хүн тутамд 10134 гар утсаар , гуравдугаар байранд мөн л азийн Гонконг 10000 хүнд ноогдсон 9298 гар утсаар оржээ. Дөрөв болон тавдугаар байрыг Европын Итали 9265 , Исланд 9028 гар утсаар эзэлжээ. үүнээс хойшхи буюу 6- аас 15 байруудыг дан Европын орнууд эзэлсэн бөгөд эхний байруудад Швед , Чех , Финлянд нар орсон бол техник технологийн хамгийн хөгжилтэй Япон /6211/ 26-д , АНУ дөнгөж 29-д орсон ажээ. АНУ-д хоёр хүн тутмын нэг нь гар утас хэрэглэдэг ажээ. Дэлхийн хамгийн олон хүнтэй Хятад улс 10000 хүн тутамд 1609 гар утсаараа 39-р байранд орсон бол жагсаалтын төгсгөлийг Азийн Индонези -552 , Вьетнам -234 , Комбож 166 , Лаос -100 , Мьянма -3 нар эзэлжээ. Хэдийгээр энэ судалгаанд оролцоогүй боловч манай улсын хувьд үүрэн телефоны 2 оператор Мобиком Скайтлын нийт хэрэглэгчдийн тоо одоогоор 400000-д хүрээд байгаа нь 10000 хүн тутамд 1700 орчим гэсэн тоо гарч байгаа бөгөөд энэ үзүүлэлтээрээ бид урд хөршийнхөө өмнө 38-р байранд орох боломжтой байсан юм байна.