Тэгвэл тэднийг төдхөн Ардчилсан намын нөхөд болохыг тусгай шинжээчид илчлэв.
Тунгалаг Тамир романыг уншсан хүн бүр ёвордог Түгжилийг мэднэ. Адуу хамт хөөж яваад цахиур Төмөрийг хутгалдаг хүний, мөсгүй амьтан шүү дээ.
Ц.Элбэгдоржийг нөхөн сонгуулийн 65 дугаар тойрогт АН-аас нэр дэвшиж, жишиг тойрог болгохоор амласан хоёрхон хоногт бүхий л хөрөнгө мөнгөө ашиглан, эсрэг ажиллахаа ил тод зарласан эрхэм гишүүн Л.Гүндалай эхнийх нь гэнэ.
Дараа нь том М.Энхсайханы амидаа О.Энхсайхан гэнэ. Засгийн газрын тэргүүний мөнөөх үгэндээ тодорхойлсон шиг хөдөлсөн чулуу шиг байраа олоогүй, бие биедээ хандаж чиглэл лүндэн буулгадаг, намаар далайлгасан ёс зүйгүй Э.Бат-Үүл бас багтжээ.
АН бүлэг байгуулахаас татгалзсан тул эд Түгжил болох үндэслэлтэй аж.
Энэ мэт илүүдэл жингээс нийгмээ ангижруулж, албаны хэлээр бол хүнд суртлаас салгах субботникийг бүх шатанд хамтдаа хийхийг ноён Ц.Элбэгдорж уриаллаа. Тэрбээр ядууралтай дайн зарласнаас бус улстөрчдийн дунд дайн зарлаж байна гэж хэлээгүй шүү гэв.
Саин улстөрчийн, бүр ойртуулж хэлбэл сайн төрийн түшээгийн шалгуур бол гүйцэтгэх засаглалын тэргүүнтэйгээ шөргөөцөлдөхөд гол нь бус, бусадтай хэл амаа ололцох, нийтэд тустай шийдлийн төлөө бусдыг дагуулах чадвар юм байна л даа. Энэ нь шинэ улс төрийн ч гол шалгуур гэх ажээ. Муу хулгай Түгжилүүдийг Улаанбаатарын утаагаар угаарттал нь утаж, нүхнээс нь гаргах цаг болж.

Х.АЯНГА
(өнөөдрийн монгол 2005-10-05 )