нийгмийн бодлого, хөтөлбөрүүдийг агуулах бөгөөд мөн үүнд гадаадаас авах санхүүгийн хэрэгцээг уялдуулан авч үздэг. ЯБСББ–ийг тухайн засгийн газар нь оролцоог хангах замаар иргэний нийгэм, түүнчлэн Дэлхийн Банк (ДБ), Олон улсын Валютын Сан (ОУВС) зэрэг хөгжлийн түншүүдийг оролцуулан боловсруулж байна.
1999 оны 9 дүгээр сард Дэлхийн банкны бүлэг болон Олон улсын Валютын Сангийн жилийн уулзалтын үеэр оролцогчид тухайн орны оролцооны үндсэн дээр боловсруулсан ядуурлыг бууруулах стратеги нь Дэлхийн Банк болон Олон улсын Валютын Сангаас хөнгөлөлттэй зээл олгох, Өрийн хүнд дарамтад буй ядуу орнуудын өрийг чөлөөлөхөд баримтлах гол үндэс болох талаар харилцан тохиролцсон байна.
Ядуурлыг бууруулах стратегийг боловсруулах, хэрэгжүүлэхэд дараах 5 зарчмыг баримталж байна. Үүнд
тухайн улсад тохирсон, хэрэгжүүлэх бүхий л үйл явцад иргэний нийгэм, хувийн хэвшлийг оролцуулж, оролцоог өргөн хүрээтэй хангасан байх
үр дүнг чухалчилсан, ядуу хүмүүсийн хүртэх үр шимийг онцгойлон авч үзсэн байх
ядуурлыг олон талт байдлыг цогц байдлаар хамруулсан байх
түншлэлд түшиглэсэн- хоёр талт, олон талт, засгийн газрын бус байгууллага зэрэг хөгжлийн түншүүдийн зохистой оролцоог хангасан байх
ядуурлыг бууруулах урт хугацаат хэтийн чиглэлд үндэслэсэн байх зэрэг орно.
Ядуурлыг бууруулах стратеги нь уян хатан байх ба улс бүр өөрийн онцлог нөхцөл, шинж байдлыг тусгах хэдий ч доорх зүйлсийг агуулсан байх нь зүйтэй. Үүнд
Оролцооны үйл явцыг тодорхойлох
зөвөлгөөн, ярилцлагын давтамж, хэлбэр, явагдах газрыг тодорхойлж
өгөх
хөндөгдсөн гол асуудлуудын болон оролцогчдын үзэл бодлын товч,
хураангуйг агуулах
стратегийн боловсруулалтад зөвлөмж, зөвөлгөөний үр дүнг
оруулах
хяналт, үнэлгээ хэрэгжилтэд иргэний нийгмийн үүргийн талаар
оруулах зэрэг болно.
Ядуурлыг иж бүрэн шинжлэх Одоо байгаа мэдээлэл, судалгаан дээр үндэслэн ЯБСББ-т ядуу хүн гэж хэнийг хэлэх, тэд хаана оршин байгааг тодорхойлох ба үүн дээр үндэслэн эдийн засгийн өсөлтийг түргэтгэх, ядуурлыг бууруулахад макро эдийн засаг, нийгэм, бүтцийн болон институцийн хүрээнд тулгарч буй саад бэрхшээлд дүн шинжилгээ хийнэ.
Макро эдийн засаг, бүтцийн болон нийгмийн бодлогын тэргүүлэх чиглэл, түүнийг хэрэгжүүлэхэд шаардагдах өртгийг тодорхойлно. Ядуурал, түүний шалтгааныг гүнзгий ойлгох үүднээс ЯБСББ нь макро эдийн засаг, бүтцийн болон эдийн засгийн бодлогыг хамтад нь авч үзэн боловсруулсан иж бүрэн стратеги байх хэрэгтэй.
Хийсвэр, хоосон хүсэл мөрөөдлийн жагсаалт болохоос сэргийлж бодлогыг нэн тэргүүний ач холбогдлоор нь ангилах, хэрэгжүүлэхэд шаардагдах өртгийг тооцох нь чухал юм.
Хяналт-үнэлгээ хийх зохистой бүтэц, зорилт, үзүүлэлтүүдийг гаргах ЯБСББ-д ядуурлыг бууруулах дунд болон урт хугацааны зорилтуудыг тодорхойлж, явцын хяналт хийх үзүүлэлтүүд, жилийн болон дунд хугацааны зорилтуудыг дэвшүүлнэ. Ядуурлын байдалд үнэлэлт дүгнэлт өгөх, хяналт шинжилгээ үнэлгээ хийх бүтцийн чадавхид нийцсэн шалгуур үзүүлэлтүүд болон зорилтууд байх ёстой. Түүнчлэн эдгээр шалгуур үзүүлэлтүүд, зорилтууд нь стратеги дахь бодлоготой уялдсан байх юм. Эцэст нь ЯБСББ-ийн хяналт-үнэлгээний бүтцэд оролцоог аль болох өргөнөөр тусгах хэрэгтэй