Худалдаанд янз бүрийн олон төрөл, зүйлийнүйлчилгээ үзүүлдэг шампуниуд байна. Гэвч бид их рекламдаж байгааг нь юм уу, хүний амнаас сайн гэж сонсныгоо хэрэглэдэг муу зантай.
Хүний үс гэдэг эмзэг нарийн их арчилгаа шаарддаг эд .Тиймээс ч Үс сайхан бол зүс сайхан гэдэг гэж ярьдаг шүү дээ. Үсээ өнгөлөг, зөөлөн, эрүүл байлгая гэвэл таарсан шампиунаар угаах хэрэгтэй. Үүний тулд таарсан шампуниа сонгох нь чухал шүү.
Тослог үсэнд ургамлын гаралтай шампунь зохидог
Хэрвээ таны үс тослог бол үсний шампунь хэрэглэх хэрэгтэй. Энэ шампуний найрлаганд үс болон хуйхны тослогийг арилгаж цэвэрлэх зориулалт бүхий угаагч бодис их хэмжээгээр агуулагдаж байдаг. Иймээс энэ шампуниар долоо хоногт нэг удаа угаах ёстой. Хэрвээ тогтмол хэрэглэх юм бол үс хагтаж, үс болон хуйх нь хуурайшдаг. Ер нь ямарч тослог үсэнд ургамлын гаралтай шампунь зохидог.
Хэвийн үсний шампуньд угаагч бодис бага ордог.
Харин таны үсийг хэвийн байна гэсэн бол хэвийн үсний шампунь хэрэглээрэй. Энэ шампунь нь тослог үсний шампунийг бодвол угаагч бодис харьцангуй бага агуулагддаг бөгөөд үсийг сайн цэвэрлэж тослогийн балансыг алдагдуудаггүй сайн талтай.
Хуурай үсний шампуньд чийгшүүлэгч хангалттай байдаг.
Хуурай үсний шампуний найрлаганд угаагч бодис бага агуулагддагаас гадна үс хуйхыг хуурайшуулахгүй байлгах зориулалттай чийгшүүлэгч хангалттай хэмжээгээр орсон байдаг.
Өдөр тутмын зөөлөн шампуны хэрэглэж занш
Та тослог хэвийн, хуурай аль үстэй байсан үргэлж нэг шампунь хэрэглээд байвал муу үр дүнтэй. Тиймээс шампуниудтай хамт өдөр тутмын зөөлөн шампунийг хэрэглэж заншаарай. Энэ шампунийг үсийг хуурайшуулж, хуйхыг гэмтээн цочрохоос сэргийлдэг.
Хагны эсрэг шампунийг ердийнхтэй ээлжилж хэрэглэ.
Бидний хэдийн хэрэглэж заншаад байгаа шампунь бол хагны эсрэг шампунь юм. Энэ шампунь нь найрлагандаа арьсны эсийн хувиарлалтыг удаашруулах, хогжирсон арьс, үхмэл эд эсийг арилгах үйлчилгээтэй бодис агуулдаг. Тиймээс хагтай хүн энэ шампунийг ердийн шампуньтай ээлжлэн хэрэглэвэл тохиромжтой. Харин дангаар нь тогтмол хэрэглэвэл үс, хуйх хуурайшин өнгөө алддаг байна.
Эмчилгээний шампунийг хими хийлгэсэн болон будуулсан мөн үргэлж ороож сэнсдэж байдаг үсэнд хэрэглэдэг. Түүнчлэн гадны нөлөөллөөөс болж гэмтсэн буюу витамин, тэжээлийн дутагдалд орсон үсэнд ч сайн үр дүнгээ өгдөг байна. Хүмүүсийн амьдрал