Боловсролын Зөвлөгөө Мэдээллийн Төв нь Болгар дахь Америкийн Их Сургууль (БАИС)-д бакалаврын зэргээр суралцуулах тэтгэлэгт хөтөлбөр зарлаж байна. 1991 онд байгуулагдсан тус сургууль нь жил бүр Албани, Армен, Азербайжан, Беларус, Хорват, Гүрж, Казахстан, Киргизстан, Косово, Македони, Молдав, Монгол, Румын, Югослав зэрэг орны 20 оюутныг Соросын сангийн тэтгэлгээр элсүүлж дөрвөн жилийн сургалтын зардлыг нь санхүүжүүлж сургадаг бөгөөд сүүлийн зургаан жилд Монголоос 14 оюутан уг тэтгэлэгт хамрагдаад байна. Түүнчлэн БАИС-ийн зарим санхүүжилтээр 8 оюутан суралцаж байна.

Суралцах үндсэн мэргэжил
Америк судлал, Бизнесийн удирдлага, Цахим тооцоолуур, Эдийн засаг, Түүх, Сэтгүүл зүй/Хэвлэл мэдээлэл, Математик, Улс төр судлал/Олон улсын харилцаа, Европ судлал

Соросын сангийн тэтгэлэг
Соросын сан сургалтын төлбөр, замын зардал, виз, Болгарт суралцах хугацаандаа оршин суух зөвшөөрөл, эрүүл мэндийн даатгалыг санхүүжүүлнэ. Суралцагч өөрөө хоол, байр, ном сурах бичгийн зардал 1900 орчим ам. долларыг төлөх болзолтой. Түүнчлэн БАИС нь цөөн тооны оюутанд сургалтын төбөрийн зарим хэсэг, хоол, байрны тэтгэлэг олгодог.

Элсэгчдэд тавигдах шаардлага
2006 оны 8-р сар гэхэд дунд сургуулиа төгссөн байх
Их, дээд сургуульд элсээгүй байх
Монгол Улсын иргэн байх
5.0 баллын системээр 4.0-өөс доошгүй дүнтэй суралцсан байх
Англи хэлийг сайн эзэмшсэн байх

Шалгаруулалт
Дээрх шаардлагыг хангасан сурагчдын өргөдлийг хүлээн авч 1-р сарын 21-нд ТОЭФЛ-ийн шалгалтанд оруулна. Шалгалтанд 550-аас дээш оноо авсан сурагчдаас 2006 оны 2-р сарын 25-нд SAT шалгалт авна.Эдгээр сурагчид санхүүгийн тэтгэлэг хүссэн тусгай өргөдлийн маягт бөглөж 3-р сарын 1-нээс өмнө БАИС-руу явуулна. Эцсийн шалгаруулалтыг хоёр шалгалтын дүн болон санхүүгийн хэрэгцээг үндэслэн Болгар дахь Америкийн Их Сургууль хийж, тавдугаар сард хариуг ирүүлдэг. TOEFL-ийн шалгалтын 550-иас дээш оноо авсан сурагчид БАИС-д элсэх болзлыг хангадаг бөгөөд Монгол Улсаас тус сургуульд жил бүр нэгээс хоёр оюутан Соросын сангийн тэтгэлгээр элсч байсан бөгөөд 2005 онд Соросын сангийн тэтгэлгээр 1, БАИС-ийн зарим санхүүжилтээр нийт 8 оюутан элсэн суралцаж байна.

Өргөдлийн маягт хүлээн авах эцсийн хугацаа
2005 оны 12-р сарын 20
Өргөдлийн эх хувийг хоёр хуулбарын хамт 2005 оны 12-р сарын 20-ны дотор ирүүлнэ. Хугацаа хэтэрсэн буюу дутуу бүрдүүлсэн өргөдлийг хүлээж авахгүй болохыг мэдэгдье.
Уг тэтгэлэгт хөтөлбөрийн тухай тодорхой мэдээллийг
Лхагва гариг бүрийн 1530 цагаас болох лекцэнд ирж авна уу.

Манай хаяг
Боловсролын Зөвлөгөө Мэдээллийн Төв
Соёлын Төв Өргөө Цогцолбор
Хүүхдийн Номын Ордон, 1 давхар
Улаанбаатар-46
Утас 976-11-319016, 316293 Факс 976-11-326941
Э-шуудан [email protected]
Website www.aubg.bg ; www.earcmn.org

/Та бүхэн зарлагдсан тэтгэлэгт хөтөлбөрийг манай мэдээний боловсрол буланд орж сонирхоно уу/