Шилний хүрээ нь орчин үеийнх байвал таныг илүү дур булаам залуу харагдуулна. Хэрэв та нүдний шилээ зөв сонгож авбал өөрийнхөө зүс царайны өөг амархан далдалж болох юм .Хүрээнээсээ шалтгаалан таны нүүр царай янз бүр харагдана. Жишээлбэл жижигхэн нүүртэй хүнд том нүдний шил огтхон ч зохимжтой харгадахгүй, дугуй царайтай хүнд ямар ч хүрээтэй шил их сайхан харагддаг. Мөн гурвалжин нүүртэй өргөн эрүүтэй хүнд дөрвөлжин хүрээтэй шил зохино. Мөн шилнийхээ хүрээг үснийхээ өнгөтэй хослуулж зүүвэл илүү зохимжтой. Та энэ жишээн дээр тулгуурлан УИХ-ийн гишүүн Т.Ганди, хөгжмийн зохиолч Ангирмаа нарын имиж төрхийн нүдний шилний хэлбэр ,хийц загвар нь өвөрмөцөөр харагдуулж байгааг ажиглаад үзвэл зүгээр болов уу.Ямар ч нүдний шилний дээгүүр хөмсөг нь харагдаж байвал зохимжтой байдаг. Зүрхэн хэлбэртэй нүүрэнд дугуй шил гайхалтай сайхан зохидог. Хэрвээ гонзгой нүүртэй бол дугуй хэлбэрийн шил зүүвэл зүгээр .Эмэгтэй хүн өөрийнхөө онцгой имижийг бүрдүүлхийн тулд зохисон шилээ зүүгээд, уруулаа гоёмсогоор будах нь зүйтэй. Хэрвээ таны хөмсөг чинь өтгөн өргөн бол засаж нарийсган шилнийхээ хүрээтэй тэнцүү болговол та сайхан харагдаж чадна. Нүдний шил нь таны гадаад имижийн нэг хэлбэр юм. Ингэснээрээ та өөрийн имиж донжийг өөртөө бүрдүүлж чадна.

/ Хүмүүсийн амьдрал /
сонин