Гэхдээ үнэрт эфирийн тосыг гайхалтай үнэрт нь татагдаж хэрэглэхээсээ илүүтэйгээр өвчнөөс урьдчилан сэргийлэхэд болон эмчилгээнд ашиглаж байна. Дашрамд сонирхуулахад эфирийн тос тун өндөр концентрацитай байдаг тул түүнийг хямгатай хэрэглэвэл зохино. 1 цайны халбага сарнайн эфирийн тосыг 5000 цэцэгсээс гаргаж авдаг. Хэрвээ чи гэрийн нөхцөлд тухайлбал ванндаа эфирийн тосыг ашиглах гэж байгаа бол дараах зүйлсийг бүү мартаарай.
1. Нэг зэрэг хоёроос илүү төрлийн тосыг бүү хэрэглэ.
2. Ванндаа 1-2 дусал хийнэ.
3. Өдөр болгон тосыг ашиглах шаардлагагүй.
Мөн эфирийн тосын жирэмсэн үед хэрэглэхгүй

байхыг зөвлөж байна. Хэрвээ ямар нэг харшлын шинж тэмдэг мэдэгдвэл хэрэглэхээ тэр дороо зогсоо. Харин одоо яг ямар ургамлын эфирийн тос юунд ашигтайг сонирхоцгооё.
Лаванда – Биеийн эсэргүүцлийг сайжруулж, элдэв хямрал стресс болон нойргүйдлийн эсрэг, шарх анихад голлон хэрэглэгддэг.
Сарнай – Бие хямрах, сарын тэмдэгийн мөчлөгийн алдагдал, нойргүйдэлтэнд нөлөөтэй.
Зандан мод – Шарх эдгэхэд, биеийн эсэргүүцэх чадварыг дээшлүүлэхэд, бөөрний өвчинд мөн нойргүйдэл, цистит өвчнийг анагаах чадвартай.
Розмарин – Yрэвслийн эсрэг, шээс бөөрний өөрчлөлтөнд сайн. Гэхдээ жирэмсний эхний 5 сард болон өндөр даралттай үед хэрэглэхгүй байхыг зөвлөж байна.
Балжингарва – Тайвшруулах, стресс тайлах харшилын эсрэг үйлчилгээ үзүүлдэг.