Монголын багш, судлаачид та бүхэнд зарлаж байна. Энэ нь нийгэм-хүмүүнлэгийн ухааны чиглэлээр нэг болон хоёр семестрт судлах шинэ курс хичээлийг бэлтгэж заахад арга зүйн болоод санхүүгийн дэмжлэг үзүүлэх хөтөлбөр юм.

Хөтөлбөрийн зорилго
1. Шинэлэг агуулга, аргазүй болон заах аргыг дэвшүүлсэн шинэ хичээлийн хөтөлбөрийг дэмжих
2. Шинэ хичээлийн хөтөлбөрүүдийг Төв болон Зүүн Ази, хуучин ЗХУ, Монгол улсад түгээх, дэлгэрүүлэх
3. Бүс нутаг дундын багш профессоруудын хамтын ажиллагааг дэмжих

Курс хичээлийн чиглэл
Орон нутгийн буюу хөдөөгийн хөгжлийн бодлого
Хууль зүй судлал
Антропологи
Байгал орчин судлал /Тасралтгүй хөгжил/
Улс төр судлал-Хүний эрх- Ардчиллын онол
Хүйсийн тэгш эрх ба Төр
Макроэкономикс
Түүх

Уралдааны танилцуулга
1. Уралдаанд оролцогчид нь доор дурдсан чиглэлүүдээр чухал сэдэвтэй шинэ санаа тусгасан нэг буюу хоёр семестрийн хичээлийн хөтөлбөр боловсруулж оюутнуудад заах юм. Курс хичээл нь анхан шатны, дунд шатны, гүнзгийрүүлсэн, дипломын дараах гэх мэт тодорхой түвшинд зориулагдсан байх ёстой.
2. Уралдаанд хувь хүмүүс бие даан оролцож болохоос гадна баг бүрдүүлэн оролцож 10 сарын тэтгэлэг авах боломжтой. Энэ хугацаанд шалгарсан хүмүүс болон багийнхан боловсруулсан хичээлээ бэлтгэж, оюутнууддаа уг хичээлээ заах юм.
3.Багаараа оролцогчдод олгох тэтгэлэг нь шинийг санаачилсан, хамтарсан төслүүдэд олгогдох бөгөөд хөтөлбөрт хамрагдагч орнуудын наад зах нь хоёр орны эсвэл хотуудын эрдэмтэн багш нар хамтарч олон улсын түвшний хичээлийн хөтөлбөр боловсруулахыг хичээсэн багийг илүү дэмжинэ.
4. Уралдаанд оролцогчид нь боловсруулсан хичээлийн хөтөлбөрөө тухайн салбарт хийж байгаа судалгаандаа оруулах нь нэн чухал юм.
5. Уралдаанд оролцогчид нь курс хичээлдээ шинэ аргазүйг яаж хэрэглэхээр төлөвлөж байгаагаа тодорхой харуулах ёстой.
6. Хичээлийн хөтөлбөр боловсруулах төсөл нь сургалтын хөтөлбөрийн шинэчлэлийн үйл ажиллагаанд зохицсон, шинийг санаачилсан шинэлэг аргазүйтэй, бүс нутгийн хэмжээнд тавигдсан асуудлуудтай холбогдсон байх ёстой.
7. Уралдаанд амжилттай оролцогчид тэтгэлгийн хугацаанд 2 удаа сургалт семинарт оролцох ёстой.
8. Хичээлийн хөтөлбөр боловсронгуй болгох хөтөлбөрт өмнө нь оролцож байсан багш нар Сургалтын хөтөлбөр боловсруулах энэ уралдаанд оролцож болно.

Тэтгэлэг
Хувь хүмүүс болон багаараа оролцогсдод дараах тэтгэлгийг олгоно
1. Хичээл боловсруулах болоод заах хугацаанд сар бүрийн тэтгэлэг (CDC төвөөс улс бүрт ямар хэмжээний тэтгэлэг олгохыг шийддэг)
2. Курс хичээл боловсруулахад шаардлагатай зардалд зориулсан тэтгэмж (ном худалдан авах, сургалтын гарын авлага, хувилах зардал, слайд гэх мэт)
3. Багаараа буюу өөр орны мэргэжил нэг хүмүүстэй хамтран боловсруулсан төсөлд захиргааны болон замын зардалд нэмэлт санхүүжилт олгоно
4. Курс хичээл боловсруулахад орон нутгаасаа өөр хот эсвэл өөр улс дахь номын санд очих шаардлага гарвал CRC төвтэй зөвшилцсөний үндсэн дээр замын зардалд зориулан олгох тэтгэмж

Багаараа оролцох төслийн хамт олонд олгох тэтгэлгийн хэмжээ нь оролцогч бүрийн гүйцэтгэх үүргээс хамаарч янз бүр байж болно. (төсөлд оролцогчдын үүргийг маш тодорхой гаргаж өгсөн байх ёстой) Багийн ахлагч нь нэмэгдэл үүрэг хүлээж байгаагийн хувьд ахлагчийн нэмэлт тэтгэлэг авна.

Шалгаруулалт
Төв Европын Их Сургуулиас бүрдүүлсэн шалгаруулалтын тусгай комисс бүх өргөдлүүдийг хянаж дүгнэнэ. Тус комиссын гишүүд нь бүс нутгийн дээд боловсролын хэрэгцээ шаардлагын талаар өндөр мэдлэгтэй, нэр хүнд бүхий эрдэмтэд байна. Эцэст нь тэтгэлэг авсан төсөл дээр тус хичээлийг заалгасан оюутнууд өөрсдийн үнэлгээгээ өгөх ёсой. Төсөл дууссаны дараа ТЕИС редакторлан хянаад өөрийн вэбсайтад тавьж олны хүртээл болгоно.

Ирүүлэх материал
Хувь хүмүүс
1. Өргөдлийн маягт
2. Курс хичээлийн тайлбар Ашиглах ном, зохиолын жагсаалт
3. Хичээлийн төлөвлөгөө
4. Товч намтар (судалгааны ажлуудаа тодруулж бичих шаардлагатай)
5. Курс хичээлийг хэзээнээс эхлэн ямар тэнхимд, хэд дүгээр курсын оюутнуудад заахыг тодорхойлсон их сургууль, коллежийн захирлын албан бичиг буюу дэмжих захидал
6. Сургуулийн тодорхойлох захидал

Төслийн шалгаруулалтын дүн 2005 оны 12-р сарын дундуур гарах бөгөөд шалгарсан хичээлийг 2006-2007 оны хичээлийн жилийн эхний буюу 2-р семестрээс зааж эхлэх ёстой.

Хөтөлбөрийн талаарх дэлгэрэнгїй мэдээлэл, өргөдлийн маягтыг БЗМТ-өөс авч болох ба төслийг англи хэл дээр бүрдүүлэн 2005 оны 11 дїгээр сарын 24-ний дотор БЗМТ-д ирїүлнэ її.
Та өргөдлөө имэйлээр [email protected] хаягаар 2005 оны 11-р сарын 25-наас өмнө шууд илгээж болох бөгөөд энэ тохиолдолд тодорхойлох захидлыг зөвхөн эх хувиар нь шуудангаар хүлээж авах болно.

Манай хаяг Боловсролын Зөвлөгөө Мэдээллийн Төв
Соёлын Төв Өргөө Цогцолбор
Хүүхдийн Номын Ордон, 1 давхар Улаанбаатар-46
Утас 976-11-319016, 316293 Факс 976-11-326941
Э-шуудан [email protected] web хуудас www.earcmn.org http//www.ceu.hu/crc/cdc