Тэгвэл тэрхүү өлзий дэмбэрэл давхацсан Намрын сүүл сарын өнөөдрийн энэ сайн өдөр гадуур хамгийн ачаалалтай ажилласан газар бол Гэрлэх ёслолын ордон юм. Шөнийг 04 цагаас эхлээд хосуудын цуваа үргэлжилж байгаа бөгөөд нийт 80 хос гэрлэлтийн баталгаагаа гардан авч гал голомтоо бадрааж байгаа юм байна. Өнгөрөгч намрын дунд сарын шинийн 15 нд нийт 108 хос хуримлаж байсаныг бодоход өнөөдөр ачаалал бага байна гэж гэрлэх ёслолын ордны ажилчид ярьж байсан. Дөнгөж гэрлэгсэд Их жанжин Сүхбаатарын хөшөөнд цэцэг өргөн дараа нь Гандан дэгчлэн хийдэд очин мөргөн, хүрд эргүүлж зарим нэг нь Зайсан толгойд гарч их хоттойгоо мэндчилж байна. Өнөөдөр зөвөхн гэрлэх ёслолын ордонд л 40 хос орж бүртгүүлсэн бөгөөд гадуур ёслол болгон тэмдэглэсэн хэдэн хосууд байгааг хэн ч таашгүй. Гэрлэх ёслолын ордонд гэрлэгсэдийн дундаж нас 19-26 насны хосууд байсан байна. Хотын гудам илүү хөл хөдөлгөөнтэй машин техникүүд өнгийн бөмбөлөгөөр гоёсон харагдана. Гэрлэн дохионд нэг саатна, гэм буруутай жолоочоос болон хоёр саатдаг машинууд өнөөдөр түгжрэлд орох доо сандрахгүй байгаа нь хосуудыг хүндэтгэж байгаагын нэг илрэл болой. Өвгөд хөгшидөөс ерөөл хүртэж өргөө гэрийнхээ үүдийг нээж байгаа бүх хосууддаа эрүүл энх, сайн сайхан бүхнийг хүсэн ерөөе!

Т.Оргил /Olloo mn/