4-ний өдөр нутгийн баруун хэсгээр, 5-нд зарим газраар хур тунадас унасан бол өчигдөр зүүн зүгийн зарим нутгаар цас унажээ. Ирэх даваа гаригийг хүртэл буюу 10-ны өдрийг хүртэл нийт нутгаар хур тунадас, цас унахгүй гэжээ. Тэрчлэн аравдугаар сар эхэлснээр 4-ний өдөр Алтайн уулсаар, 5-нд говь, талын нутгаар баруун хойноосоо секундэд 12-14 метр хүртэл ширүүсч шороон болон цасан шуургатай байж, Алтай, Хангай, Хөвсгөл, Хэнтийн уулархаг нутгаар шөнөдөө 5-10 градус хүйтэн, өдөртөө мөн хэмийн дулаан, говийн бүс нутгаар шөнөдөө 4-9 градус, өдөртөө 15-20 градус дулаан бусад нутгаар шөнөдөө 0-5 градус хүйтэн, өдөртөө 10-15 градус дулаан байлаа. Уржигдраас эхлэн ихэнх нутгаар хүйтэрсэн бол өчигдрөөс нутгийн зүүн хагаст хүйтэрч байна.

(өдрийн сонин 2005-10-07 241)