Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай хуулийн төсөл болон Монгол Улсын төрөөс албан бус хөдөлмөр эрхлэлтийн талаар баримтлах бодлого батлах тухай УИХ-ын тогтоолын төслийг өргөн барив. Албан бус хөдөлмөр эрхлэлтийн талаар баримтлах бодлогын зорилго нь албан бус хөдөлмөр эрхлэгчдийг бүртгэл, мэдээлэл, зохион байгуулалт, арга зүй зэрэг төрийн үйлчилгээгээр дамжуулан албажих боломжийг бүрдүүлэх, тэдгээрийг эрсдлээс хамгаалах эрх зүй, эдийн засаг, нийгмийн хамгааллын баталгааг бий болгон улмаар улс орны эдийн засгийн өсөлтийг нэмэгдүүлж, хөдөлмөр эрхлэлтийг тоо, чанарын хувьд сайжруулан хүн амын амьжиргааны түвшинг дээшлүүлэхэд чиглэгдэж байгаа юм байна гэж УИХ-ын хэвлэл, мэдээллийн албанаас мэдээллээ.

(өдрийн сонин 2005-10-07 241)