Ерөнхийлөгч хэлэхдээ, НYБ-ын ХАС манай улстай олон жилийн турш хамтран ажилласаар ирсэн. Ялангуяа эдийн засгийн шинэчлэл, шилжилтийн үеийг даван туулахад үнэтэй хувь нэмэр оруулж байгааг тэмдэглэв.
Сүүлийн жилүүдэд хөдөө, орон нутгаас хот руу чиглэсэн шилжилт хөдөлгөөн, нүүдэл ихсэж байна. Yүнийг хот, хөдөөгийн ялгааг арилгах, орон нутгийн эдийн засгийн өсөлт, нийгмийн суурь үйлчилгээ, дэд бүтцийн хөгжлийг хангаснаар зохицуулах боломжтой. Энэ чиглэлээр НYБ-ын ХАС-тай хамтран ажиллах эрмэлзэлтэй байгаагаа Ерөнхийлөгч хэллээ.
Хатагтай Делиа Барселона НYБ-ын ХАС-гийн манай улсад 2007-2011 оны хооронд хэрэгжүүлэх зорилтын талаар товч танилцуулаад энэ ажлын хүрээнд УИХ, Засгийн газар, орон нутгийн засаг захиргаатай хамтран ажиллах болно гэлээ.
Тэрээр цааш нь Мянганы хөгжлийн зорилтууд-ын хүрээнд хэрэгжүүлэх ажлууд, Монгол Улсын Ерөнхийлөгчийн мөрийн хөтөлбөр хийгээд УИХ-ын намрын чуулганы нээлтийн үеэр Ерөнхйилөгчийн хэлсэн үгэнд туссан хүн амын бодлоготой холбоотой чухал зорилт, санаачилгыг хэрэгжүүлэхэд анхаарч ажиллахаа илэрхийлэв.

ЕРӨНХИЙЛӨГЧ БАГШТАЙГАА УУЛЗАВ

Монгол Улсын Ерөнхийлөгч Н.Энхбаярт Оросын дуу хоолой радио компанийн ажилтан Ольга Сергеевна Павлович, Мария Дмитровна Онжанова нарыг хүлээн авч уулзлаа.
Ерөнхийлөгч, Оросын дуу хоолой радио компанийг манай ард түмэн маш сайн мэддэг, сонсдог бөгөөд тус радиогийн ажилтнууд зочлон ирсэнд баяртай байгаагаа хэллээ. Мөн монголын үндэсний радио, телевизийг олон нийтийн статустай болгон өөрчлөх хууль гарч хэрэгжиж байгааг танилцууллаа.
Оросын дуу хоолой радио компанийн тусгай сурвалжлагч Мария Дмитровна Онджанова хүлээн авч уулзаж байгаад баяртай байна гээд тус радиогийн ойд зориулсан дурсгалын медалийг гардуулав.
Мария Дмитровна Онджанова Монгол Улсын Ерөнхийлөгчийг Горькийн нэрэмжит Утга зохиолын дээд сургуульд суралцаж байхад нь хичээл зааж байсан багш нь юм байна.

МОНГОЛ УЛСЫН ЕРӨНХИЙЛӨГЧИЙН ХЭВЛЭЛ, МЭДЭЭЛЛИЙН АЛБАНААС МЭДЭЭЛЖ БАЙНА