Нээлттэй өдөрлөгийг Оюунлаг 21- зуун төв, Aшигт малтмалын газрын тосны хэрэг эрхлэх газар, БСШУЯ-ны МБС-ын мэргэжил арга-зүйн төв, Байгаль орчны яам, Улсын хөдөлмөр халамжийн үйлчилгээний газар, ШУТИС-ийн харъяа Геологийн сургууль, Барилгын технологийн коллеж хамтран нийт манай улсад ашигт малтмалын үйл ажиллагаа явуулж байгаа байгууллагуудын нэгтгэн нээлттэй өдөрлөг зохион байгуулах гэж байна. Өдөрлөгт одоогоор 15 байгууллага албан ёсоор оролцох мэдүүлэгээ өгсөн бөгөөд нийт 44 байгууллага компанид оролцох урилга илгээсэн байна. Нээлттэй өдөрлөгийн үеэр салбарын аж ахуйн нэгж байгууллагуудын үйл ажиллагааг олон нийтэд сурталчлах, Монгол орны байгалийн баялаг, ашигт малтмалын тархацын талаарх мэдээлэл олон нийтэд түгээх, мэргэжилтэй ажиллах хүчний эрэлт, ур чадварын хэрэгцээг тандах, холбогдох төрийн бус байгууллагаас мэргэжил арга-зүйн тусламж үзүүлэх, нийт оролцогчдоос шилдгүүдийг тодруулах юм байна. Энэ өдөрлөгийн гол зорилго нь Геологи, уул уурхайн салбарын хөгжил, цаашдын хандлага, тус салбарт үйл ажиллагаа явуулж байгаа гадаад, дотоодын аж ахуйн нэгж, байгууллагуудаас улс орны эдийн засаг, нийгэм, хүмүүнлэгийн болон бусад салбар, орон нутгийн хөгжилд оруулж буй бодит хувь нэмэр, үйл ажиллагааг иргэдэд сурталчлах, олон нийтийн дунд яригдаад байгаа явган яриаг нэг тийш нь цэгцлэх зөв мэдээллийг хүргэхэд оршиж байгаа юм байна. йгууллах хорооны дарга Оюунлаг 21- зуун төв-ийн тэргүүн Г.Энхбат ярилаа.
Уул уурхайн салбарын сөрөг нөлөөлөлийн тухай Газарт учируулсан хохирол 2003, 2004 оны тоо баримтаас хүргэвэл нийт ухагдаж эвдэрсэн газар 2003 онд 31.3 байсан бол 2004 оны байдлаар 28.4 болсон байна. үүнийг дэлгэрүүлбэл Геологийн эрэл, хайгуулын ажлаас 2003 онд 14.4%, 2004 онд 7.4% ашигта малтмалын олборлолтоос 16.4 байсан бол 2004 онд 19.7 болон өссөн. Батлан хамгаалах үйл ажиллагаанаас 0.3 байсан бол 2004 онд 0.9 болон нэмэгдсэн. Барилга инеженерийн шугам сүлжээнээс 2003 онд 0.1 байсан бол 2004 онд 0.2 болон өссөн мөн зам тээвэр холбооны барилга засвараар мөн ийм хэмжээтэй өссөн судалгаа байдаг байна. Манай улс нь 2004 онд дэлхий дээр хайгуулын ажилд зарцуулсан нийт хөрөнгийн 4% буюу 98.7 сая ам долларыг Монгол улсын нутаг дэвсгэр дээр хийгдсэн геологи хайгуулын ажилд зарцуулсан байна Энэ үзүүлэлтээрээ геологи хайгуулын ажилд хөрөнгийг хамгийн ихээр татаж байгаа дэлхийн ТОП 10 улсад орж байгаа юм байна. Энэ өдөрлөгийн үеэр үйл ажиллагааг нь олон нийтэд танилцуулахаас гадна шилдэгүүдийг өргөмжлөх юм байна. Уул уурхайн салбарт дан ганц байр суурь эзэлдэг байгууллага биш олон нийтэд хөрөнгө оруулдаг цаашид эдийн засаг нийгмийн харилцаанд түлхэц болгох үүднээс шилдэгүүдийг шалгаруулах юм байна. үүнд Боловсролыг дэмжигч, орон нутгийн хөгжлийг дэмжигч, байгальд ээлтэй байгууллага, эрүүл мэнд, спорт, урлагийг дэмжигч байгууллага, хөдөлмөр эрхлэлтийг дэмжигч мөн нийгмийн халамж, буяны үйлсийг дэмжигч байгууллага болгон шилдэг гэсэн өргөмжлөл гардуулана гэж Оюунлаг 21- зуун төв-ийн тэргүүн Г.Энхбат ярилаа.

Т. Оргил /olloo mn/