Ойн арга хэмжээг Мон Циамэ Засгийн газрын хэрэгжүүлэгч агентлаг, Гамма гэрэл зургийн агентлаг, Коника Минольтагийн албан ёсны төлөөлөгч Жи-Эй-Жи ХХК зохион байгуулах юм байна. Манай гэрэл зурагчид нь ОХУ, Герман болон дотоод доо мэргэжил эзэмшсэн бөгөөд олон улсын болон дотоодын гэрэл зургийн уралдаан тэмцээнүүдэд амжилттай оролцож байсан сайхан уламжлалтай. Нина, Цэрэннадмид нарын гэрэл зурагчдын бүтээлүүд олон улсын гэрэл зургийн уралдаануудад Гранпри болон шагналт байр эзлэж Монгол улсын нэрийг дэлхийн тавцанд гаргаж байсан түүхтэй. Зах зээлийн нийгэмд орсноор олон түмэнд хүргэх гэрэл зургийн үйлчилгээний салбар нэг хэсэг уналтанд орсон байсан. Энэ ачааны ихээхэн хувийг нуруун дээрээ үүрч хүмүүст гэрэл зураг авах бололцоо, нөхцөлийг ханган ажиллаж байгаа Коника Минольта корпораиийн албан ёсны төлөөлөгч Жи-Эй-Жи ХХК-ий 10 жилийн ой энэ ойтой давхиаж байгаа нь бас нэг онилог юм. Монголын хүн амыг гэрэл зургийн салбарт орчин үеийн техник технологийн хөгжилтэй хөл зэрэгцэн алхах бололцоог олгож эхэлсэнээс хойш ихээхэн хөрөнгө оруулалт хийж, гэрэл зургийн орчин үеийн дижитал болон хальсны лабораториудын сүлжээг Монголын улсын хэмжээнд Улаанбаатар, Дархан, Эрдэнэт болон Увс, Хэнтий, Бор-Өндөр зэрэг газруудад байгуулан ажиллаж, чанарын шаардлага хангасан гэрэл зургийн материал, хэрэгсэлээр чадварлаг боловсон хүчинтэй, хурдан шуурхай үйлчилгээгээр хүргэж байгаа билээ. Хоёр ой давхацсан энэ өдрүүдэд Сүхбаатарын талбайн баруун хойд талын Коника Минольтагийн салбарт өдөр бүр 09-12 цагийн хооронд хөнгөлттэй үнээр зураг буулгаж үйлчилнэ. Мөн маргаашнаас эхлэн 26-ний өдрийг хүртэл гэрэл зураг байхгүй байсан бол … зохион бичлэгийн уралдаан зохион байгуулах гэж байна. 11-р сарын 11-нд ойд зориулсан гэрэл зургийн үзэсгэлэн Уран зургийн галерейд зохион байгууллагдах юм байна.

Т. Оргил /olloo mn/