Мөн урлагийн гавъяат зүтгэлтэн Э.Чойдогийн хөгжим, ардын жүжигчин төрийн шагналт Б.Жамъяандагвын дэглэлтээр шинэ балет тавигдах юм.
Тоглолтод тус театрийн балетийн шинэ залуу уран бүтээлчид оролцох бөгөөд гол дүрд СТА Ч.Ганчимэг, Б.Цолмон, Г.Батчимэг нар тоглох юм байна. Шашны номлолын тухай энэ тууж 18 настай Чойжил гэх бүсгүйн тухай өгүүлнэ.
Эрлэг Номун хаан түүнийг 18 нас хүртэлх хугацаанд юу хийж бүтээсэн гээд нүгэл буяныг нь дэнсэлдэг. Туужийн төгсгөлд бүсгүйн их буян үйлдэх сайн талын дэнс нь илүү байна хэмээн дүгнэж сайн үйлсийг бүтээх дагина болгож хүн төрөлхтөнд буцаадаг.
Шашны гүн ухааны сургааль дээр үндэслэсэн балетийн энэхүү цомнолыг ардын уран зохиолч Ш.Сүрэнжав бичжээ. Тус тоглолт энэ сарын 29 – 30 -ны өдрүүдэд УДБЭТ-т болох юм байна.

Ч.АНУ
(өдрийн сонин 2005-10-12 245)