Яагаад гэвэл энэ оны төсвөөр тооцвол тэтгэврийн санд 8,5 тэрбум төгрөг байхаас 2,4 тэрбум нь байнга олгогдох, 6,1 тэрбум нь одоогийн хуулиар шинээр тогтоогдох тэтгэвэрт зарцуулагдах юм байна.
Харин амьжиргааг дэмжих санд 36 тэрбумыг төвлөрүүлж, 22 тэрбумыг нь хүүхдийн мөнгөн тэтгэмжид, гурван тэрбумыг нь олон нийтийн оролцоонд түшиглэсэн үйлчилгээнд, үлдэх 11 тэрбумыг нөхцөлт мөнгөн тэтгэмжид хуваарилжээ.
Гэвч эрхэм гишүүдийн ямар товчлуур дарахаас уг асуудлын эцсийн хувь заяа шалтгаалах нь гарцаагүй юм. Шинэ гэр бүлд 500 мянгыг өгөхөөр зүтгүүлбэл энэ тоо өөрчлөгдөж ч магадгүй.

(өнөөдрийн монгол 2005-10-14)