Маркетинг, олон нийтийн харилцаа, гишүүнчлэлийн газар Дотоодын хөрөнгө оруулагчдын чуулган-ын бэлтгэл ажлыг хийж байна.
Гишүүн байгууллагын асуудал эрхэлсэн товчоо энэ сарын 20-нд Төрийн ордонд зохион байгуулагдах Дотоодын хөрөнгө оруулагчдын чуулган-ын урилгыг бизнес эрхлэгчдэд түгээж байна.
Өнгөрсөн долоо хоногт С.Мөнхжаргал захиралтай бичил санхүү, зээл, үл хөдлөх хөрөнгийн худалдаа эрхэлдэг Yнэрч, У.Оюунцэцэг захиралтай ноос ноолууран сүлжмэл бүтээгдэхүүн үйлдвэрлэгч Акаши зэрэг ХХК-ууд болон МYХАYТ-ын жинхэнэ гишүүнээр элслээ.
Yзэсгэлэн яармаг, аялал жуулчлалын товчоо 11 дүгээр сарын 1-4-ний хооронд Мишээл төвд зохион байгуулагдах Шинэ бүтээл ашигтай загвар, Эрүүл хүнс-2006, Импорт шоу зэрэг үзэсгэлэн яармаг зохион байгуулна. Тус үзэсгэлэнд оролцох компаниудыг энэ сарын 25-ыг хүртэл бүртгэнэ.
Монголын Yндэсний Арбитр энэ сарын 6-нд ОХУ-ын Хууль зүйн яам, Монгол Улс дахь ОХУ-ын ЭСЯ, МYХАYТ-ын үйл ажиллагаа болон Монголын Yндэсний Арбитрын үйл ажиллагаатай танилцах уулзалтыг зохион байгууллаа. Мөн 11-14-ний өдрүүдэд Завхан аймагт Говь-Алтай, Баянхонгор аймгийг хамарсан Арбитрын сургалт-ыг зохион байгуулах гэж байна.
Зах зээлийн сургалт, судалгааны төв энэ сарын 17-нд Гадаад худалдааны тээвэрлэлт, ИНКОТЕРМС, 18-нд Хүний нөөцийн бүрдүүлэлт сэдэвт богины сургалтыг тус тус зохион байгуулна.
МYХАYТ-ын дэргэдэх New-21 төслийн эрчим хүчний ахлах эксперт Г.Түмэнжаргал, эксперт Ш.Түмэн-Эрдэнэ, Г.Тулга нар өнгөрсөн долоо хоногт Дархан –Уул, Орхон аймгуудад ажиллаж, эдгээр аймагт хэрэгжүүлэх ЭСКО үзүүлэх төсөлд хамрагдах үйлдвэр, аж ахуйн газруудын сонголтыг хийж, сонгогдсон байгууллагуудын удирдлагуудтай уулзан төсөл хэрэгжүүлэх талаар тохиролцов. Дархан –Уул аймгийн Дархан ус суваг ХК, Техникийн дээд сургууль, Орхон аймгийн Эрдэнэт хивсХК, Эрдэнэт УБY-ийн засвар механикийн үйлдвэр дээр үзүүлэх төсөл хэрэгжүүлэхээр боллоо. Энэ сарын 17-19-нд New-21 төслөөс Эрчим хүчний аудит сэдэвт сургалтыг төв, орон нутгийн эрчим хүчний мэргэжилтнүүдэд зориулан зохион байгуулах гэж байна.