Энэ талаар Гаалийн ерөнхий газрын Эрсдэлийн удирдлага, шуурхай хяналтын хэлтсийн дарга Ш.Адьшаагаас тодруулахад,
-Өнгөрсөн долоо хоногт ноцтой хоёр хэрэг илрүүллээ. МСS компанийн захирал Ш.Чинзориг гэгч хориглосон бараа болох динозаврын чулуужсан өндөг хилээр гаргах гэж байсныг гаалийн улсын байцаагч Ш.Ариунболд илрүүлсэн. ДГА 89-96 дугаартай УАЗ-469 маркийн машинаар хил гаргаж байсан юм билээ. Динозаврын чулуужсан өндгийг хураан улсын орлого болгож, Ш.Чинзоригийн хэргийг цагдаагийн байгууллагад шилжүүлсэн.
Мөн Д.Бямбацэрэн гэгч улсын хилээр орохдоо ДГА 21-49 дугаартай машинд ачсан цемент дотроо цаасан хайрцаганд савласан гахайн өөх нуусан байсныг илрүүлсэн. Тэрбээр 107 ширхэг 4280 мянган төгрөгийн гахайн өөх оруулж ирсэн гэлээ.

Д.ЦЭНГЭЛМАА
(өнөөдрийн монгол 2005-10-18 117)