Нээлтэн дээр ирсэн хүмүүст CD-гээ бэлэглэж бас сарнай цэцэг бэлэглэж байв. Тэнд очсон хүмүүс бараг Бат-Эрдэнэ Оюумаа хоёрын тоглолтыг үзсэн гэхэд болох байлаа. Учир нь тэд дуунуудаа дуулж шинэ уран бүтээлээ дэлгэцээр толилуулж байсан юм. Уран бүтээлчид маань цомогтоо дан хайрын сэдэвтэй 14 дууг багтаажээ. Нийтийн дууны урлагийн хамтарсан дуэт дууны ертөнцөд өөрчлөлт гаргаж чадлаа гэж байгаа хоёр дуучин хэлэхдээ бид хайраас бусад уул, ус, ээж, аавын дуу дуулж болох л байсан гэхдээ тэрийг хэзээ ч дуулахгүй тэнгэр биднийг хайрын дуу дуул гэж учруулсан байна гэж хошигнож байв. Хайр гэдэг агуу зүйл болохоор бид зүгээр л нэг гаргаагүй бүх хүмүүстэй хайрыг хуваалцмаар байна гэлээ. Хайр гэдэг цомогыг худалдан авсан хүн бүр уран бүтээлчидтэй хайрын захиагаар эргэн харилцах боломжтой төдийгүй шалгарсан Шилдэг хайрын захиа-нд Хайнань аралд амруулах шилдэг шагнал гардуулна. Тийм учраас цомгыг авсан хэн ч захидлын тэр хуудсан дээр хайр гэж юу болохыг өөрийнхөөрөө бичээд л илгээхэд л болох юм. CD гээ Япон улсад хэвлүүлсэн. Урьд нь хамтарч дуулсан дуунуудаас гадна 8 дууг шинээр бичүүлж хэвлүүлсэн. Удахгүй хоёр дуучны маань хамтарсан тоглолт 2005 оны 11 сарын 25.26 нд Улаанбаатар паласын концертын их танхимд Чи минь дэргэд байвал би чинь жаргалтай тоглолт болох нь.

Я.Одгэрэл
/Оллоо.мн /