Амьд хөгжмийг бишрэгчдийн ээлжит энэ цугларалд Улаан хэрүүлч дуу нь сүүлийн өдрүүдэд FM, радиогоор хит болоод амжсан Нисванис-ын архагууд болон Бороонд урсах нулимс, Ойлгооч зэрэг дуугаараа хэдийн танил болоод байгаа Fire-ын залуус ирэх гэнэ. Мөн тэнгэрлэг амьтны нэрийг өөрсөддөө өгсөн Чоно-гүйгээр Play time-ийг төсөөлөхгүй. Түүнчлэн Халуун виски, Огторгуй, Lemon гээд шинэ залуу хамтлагууд тоглох юм байна. Гэхдээ энэ жилийн наадамд оролцох шинэ залуу хамтлагууд өөрсдийн зохиосон дуутай байх шаардлагыг зохион байгуулагч Hi Fi радио 98.9-ийн зүгээс тавьжээ. Учир нь өмнөх жилүүдэд гадаад дуу дуулан оролцдог байсныг энэ жилээс халж буй аж.

Б.БАДАМ
(өдрийн сонин 2005-10-24 2555)