Энэ хэсэг хугацаанд хэд хэдэн аймгийн хөгшид тэдэнтэй санаа нэг байгаагаа илэрхийлсэн байна. Тухайлбал Сэлэнгэ аймгийн Ерөө, Шаамар, Алтанбулаг сум, Булган аймгийн Тэшиг сум, Хэнтий аймгийн Өмнөдэлгэр сум, Орхон аймаг, Төв аймгийн Жаргалант сум, Батсүмбэр зэрэг сумууд санаа нэг байгаагаа дэмжиж байгаагаа 967 хүний гарын үсэг бүхий захидлаар илэрхийлсэн байна. ахмадууд төр засаг бидний тавьж байгаа асуудлуудыг яаралтай шийдэж өг. Бидний нас цаг минутаар хэмжигдэж байгаа учир 11-р сарын 1-нээс бага тэтгэврийг нэмэх эцсийн шийдвэр гаргаж өг гэж байлаа. МАЧХ-ны эзэмшилд ахмадын хороог шилжүүлэх, МАХН-ын дарга М.Энхболдийг, Төсвийн байнгын хорооны гишүүдийг, УИХ-ын даргыг МАЧХ-ны ахмадуудтай уулзалт хийхийг шаардаж байна гэсэн шаардлагыг гаргаж байлаа. НИТХТ-ийн дарга Н.Болормааг яаралтай солих хэрэгтэй. МYЭ-ээс илэрхийлж буй тэтгэвэр тэтгэмжийг 10 хувиар нэмэх, 2006 оны 7-р сараас олгох байр суурийг эрс эсэргүүцэж байна. Хэрэв эдгээр эсэргүүцэл, шаардлага, санл хүсэлтийг хүлээн авахгүй бол суулт хийнэбүр цаашилбал өлсгөлөн зарласан ч яахав гэж байв. МАЧХ-нь Худалдаа Хөгжлийн Банкны 804-р салбарт 404130770 тоот төгрөгийн данс нээлгэсэн юм байна. Уг дансандаа төрийн төрийн гурван өндөрлөг, шударга болон шударга бусаар хөлжсөн хөрөнгөтөнгүүдээс азай буурлуудынхаа зовлон бэрхшээлийг нимгэлэхэд зориулж хандив өгөхийг хүсэх шийдвэр гаргасан учраас ийнхүү данс нээсэн байна. МАЧХ -нь эхний 3 нэхэмжлэлээ Ерөнхийлөгч, Ерөнхий сайд, УИХ-ын дарга нарт хүргэх болоод байна. МАЧХ-ны ахмадууд маргааш 10 цагаас Өндөр тэтгэврийг нэмэхийг эрс эсэргүүцэнэ гэсэн суулт зарлах юм байна. Мөн 28-ний хагас сайн өдөр 10 цагаас Ашигт малтмалыг ард түмний мэдэлд үлдээе цуглааныг Сүхбаатарын талбайд хийхээр төлөвлөөд байгаа юм байна. Шаардаж байгаа хугацаанд тэтгэвэр нэмэх, бага тэтгэвэртэй ахмадуудын тавьж буй шаардлагыг хэрхэн шийдэхээ албан ёсоор мэдэгдэхгүй бол эхчүүд, ахмад дайчид, төрийн зүтгэлтэнгүүд гээд бүхий лнийгмийн ахмадууд суулт зарлан Төрийн ордоо гороо хийн тойрсон ч болно. Ямартай ч эцэсээ хүртэл тэмцэнэ гэдгээ хэлж байлаа.

Т.Оргил /olloo mn/