Тус компани Нийслэлийн 366 жилийн ойг тохиолдуулан Нийслэлийн хөгжилд иргэдийн оролцоо ажлын хүрээнд зарласан Тохитой орчин-2005 болзолт уралдаанд амжилттай оролцон дээрх өргөмжлөлийг авсан байна. Шилдэг тохижилттой компанийг шалгаруулахдаа тухайн байгууллагын орчны тохижилт, нийслэлийн өнгө үзэмжид нөлөөлж байгаа байдал зэрэг нэлээд олон үзүүлэлтийг харгалзан үзсэн аж.
Монос фарм ХХК байгууллагынхаа орчныг тохижуулаад зогсохгүй тун саяхан болсон Монос группийн 15 жилийн ойгоор Сонгинохайрхан дүүргийн хогтой хороодын хогийг цэвэрлэх аян зохиож цэвэрлэгээ хийсэн нь шилдэг тохижилттой байгууллагаар шалгарахад нөлөөлсөн байна. Сонирхуулахад, тус компанийнхан дээрх цэвэрлэгээний үеэр нэг шуудай хогийг үнэлж авсан нь орчноо цэмцгэр болгоод зогсохгүй хүмүүсийн амьжиргаанд ч тодорхой хэмээгээр дэм болсон аж.

Ш.САНАА
(өдрийн сонин 2005-11-01 262)