Жишээ нь, Холливудын од Жулия Робертс үсээ сайхан харагдуулахад онцгой анхаардаг гэнэ. Тэр дараах зүйлийг зөвлөжээ.

Яльтай ялигүй будлиан, үл ойлголцох явдлыг сэтгэлдээ хэтэрхий ойрхон хүлээж авсны хэрэггүй. Ямар нэг зүйлээс айж түгших, санаа сэтгэлээр унах нь эрүүл үсэнд сөрөг нөлөө үзүүлдэг. Yс маш мэдрэмтгий тул эзэн нь тайван бус байвал хэвийн хэмжээнээс илүү унаж хугарч гэмтдэг. Бас хоол хүнс ч үсэнд нөлөөлдөг. Хүний үс шингэрч, байгалийн өнгө нь үхэж, үзүүр нь салаалдаг. Энэ бүхнээс хамгаалахын тулд хурц халуун ногоо, тослог ихтэй хоол идсэний хэрэггүй.

Витамин эрдэс ихтэй хүнсний ногоо, жимс, уураг ахиухан хэрэглэж, загасны махтай зууш идвэл зүгээр. Чихэрлэг зүйлээс мармелад сонгох нь тустай. Дээр дурдсан бүтээгдэхүүнд үсний бүтцийг бэхжүүлж, унахаас сэргийлдэг царцмаг агуулагддаг.

Толгойгоо угаахын өмнө өвсний хандаар зайлж занших нь чухал. Yүнд халгай, шар цэцэг зэргийг хандалж болно. Yс чинь хуурайшаад хагатаж болзошгүй. Тэгвэл наранцэцгийн тос түрхээд 30-40 минут болсоны дараа бүлээн усаар угаагаарай. Зайлах усандаа нимбэгний шүүс хийж болно. Бас жимстэй тараг түрхээд 20-25 минутын дараа зайлбал зүгээр. Энэ бүхэн үсийг намирсан зөөлөн, гялалзсан сайхан өнгөтэй болгоход тусална.

Yсээ бүлээн усаар угааж, дараа нь хүйтэн усаар зайлах нь толгой амраадгийг санаарай. Yс хөвсийхөө больж өнгөө алдвал яах вэ? Дараах аргын аль ч танд туслана.

1.Халгай юмуу даливс өвсний хандыг толгойгоо угаасны дараа чийгтэй үсэндээ түрхээрэй. 30 минут болоод зайлаарай. Дараа нь хоолны халбага зөгийн бал үсэндээ түрх. Хагас цаг болоод савангүй бүлээн усаар толгойгоо угаагаарай.

2.Таван салааг 15 минут буцалгаж хандлана. 1-1.5 цаг хэртэй болоод толгойгоо угаахын өмнө таван салааны хандаа түрхэнэ.

3.Таван салаа, даливс, зөрөг цэцгийн үрийг бүгдийг нь нийлүүлэн хандалж буцалгана. Тэр хандаа арав хоногийн турш унтахын өмнө түрхэнэ. Долоо хоног амраад энэ эмчилгээг дахиж болно.

4.Наранцэцгийн тос, өндөгний шар ногоон сонгиныг хольж хутгаад хуйхандаа сайтар түрхээрэй. Түрхснийхээ дараа толгойгоо зузаан алчуураар боогоод хагас цаг болоод угаагаарай. Харин энэ үед шампунь хэрэглэж болно. Yс чинь хуурайшихаа больж гялалзана.