Шалтгаан нь Тату-гийн охидоос болон тоглолтыг зохион байгуулагч Монголын шоу бизнесийн холбооноос болоогүй аж. Харин Их Монгол Улс байгуулагдсаны 800 жилийн ойд зориулан Төв цэнгэлдэх хүрээлэнд засвар хийж байгаа бөгөөд наадам өнгөртөл ямар нэг шоу арга хэмжээ явуулахгүй гэсэн байна. Тату хамтлагийнхан анхнаасаа Төв цэнгэлдэх хүрээлэн гэх мэт томоохон танхимд тоглолтоо хийх шаардлага тавьж байсан учраас тоглолтыг ийнхүү хойшлуулжээ. Гэхдээ тэд ямар ч байсан Монголд ирж тоглоно гэдгээ амласан байна. Монголын шоу бизнесийн холбооноос наадмын дараахан ирэх байх гэж мэдэгдлээ.