Yүний нэг жишээ бол Ирландад сурч, ажиллаж амьдарч буй хэсэг залуу нэгдэн Монголчуудын холбоо байгуулан тэргүүнээр нь оюутан Ц.Баттогтохыг сонгожээ. Холбооныхоо шугамаар Ирланд дахь монголчуудынхаа дунд янз бүрийн арга хэмжээ зохион байгуулж, олсон орлогоо эх орондоо хандивлаж байгаа аж. Yүний нэг нь Батсүмбэр дэх улсын асрамжид байгаа буурлууддаа ор, хөнжлийн даавуу, бүтээлэг, бэлтгэлийн хувцас бэлэглэсэн байна. Анхны ажилдаа урамшсан залуус хөгжлийн бэршээлтэй ч эрүүл хүний адил сайхан амьдарч, хийе, бүтээе гэсэн чин хүсэлтэй дөрвөн айлыг сонгон Сэтгэлийн дэм хайрлан айл тус бүрт 200 мянган төгрөгийг Ирланд дахь монголчуудын холбооны тэргүүн Ц.Баттогтох өөрийн биеэр ирж гардуулан өглөө. Энэ удаагийн ажлыг Англи дахь монголчуудын холбооны тэргүүн С.Амарбаясгалан, гишүүн Т.Гантөмөр нар дэмжин гар бие оролцжээ. Залуучууд гурав дахь Сэтгэлийн дэм-ээ Халдварт өвчин судлалын төвийн хүүхдийн тасаг, Эх нялхсын клиникийн цусны тасагт эмчлүүлж байгаа хүүхдүүдэд хүүхдийн баярын бэлэг өгчээ. Yүнийг дэмжиж Монголын үндэсний телевизийн Нийгэм, эдийн засгийн редакциас Сэтгэлийн хишиг цуврал нэвтрүүлэг хийж бэлэн болгоод байна. Залуучууд хийсэн ажлынхаа үр дүнг эргэж харах, Ирланд болон Англид ажиллаж амьдарч, сурч байгаа залуустаа эх орон, элэг нэгтнээ гэсэн энэ их үйлс нь арвижин дэлгэрч, дэлхийн өнцөг булан бүрийн монголчууддаа сэтгэл зүрх, дуу хоолойгоо нэтгэхийг уриаллаа.