Өнгө өнгийн бөмбөлгүүд, сэтгэлд хоногшсон хүүхэлдэйн киноны баатрууд, агаарын дугуй, алсыг харагч, мангасын ам зэрэг паркийн тоглоомууд, мэдээжийн хэрэг ундаа, зайрмагаар төсөөлдөг баяр билээ.

Энэ өдөр нийслэл хотод байдаг цөөн том талбай бяцхан үрсээ баярлуулах гэсэн сайн сайхан санааг өвөрлөгчдийн мэдэлд очно. Тус баярын хамгийн халуун цэг болох Үндэсний соёл амралтын хүрээлэнгийн баруун хойд буюу Хүүхдийн ордны хажуугийн талбайг Худалдаа хөгжлийн банкныхан аль хэдийнэ авч хөгжөөнтэй, бэлэгтэй, урамшуулалтай төрөл бүрийн сонирхолтой арга хэмжээг зохион байгуулахаар болжээ. Уг арга хэмжээний үеэр тус банкныхны зохиож буй уралдаан тэмцээнд түрүүлсэн хүүхдэд хадгаламжийн дэвтэр нээж өгч, хүүхдүүдийнхээ ирээдүйд хөрөнгө оруулалт хийхийг хүссэн ээж, аав нарын хүчин зүтгэлд хувь нэмэр болох ажээ. Мөн хүүхдийн хадгаламж нээлгэсэн хүүхэд бүрт гарын бэлэг, Улсын драмын эрдмийн театрт Тэмүүжин хүүхдийн жүжиг үзэх тасалбар бэлэглэхээс гадна хүрэлцэн ирсэн хүүхэд бүрт агаарын бөмбөлөг өгөх юм байна.
Эх үрсийн баярын өдөр буюу зургадугаар сарын 1-ний 12-18 цагийн хооронд явах тус арга хэмжээ нь Худалдаа хөгжлийн банкны хамгийн отгон нь болох Сөүл гудамжинд нээгдсэн Сөүл салбар, Гурван гал худалдааны төвд шинээр үүд хаалгаа нээсэн Гурван гал салбаруудад явагдана.