Энэ нь олон жил манай нам төрийн төлөө зүтгэж явсан Ю.Цэдэнбал агсаны гэргий Анастасия Ивановна Цэдэнбал Филатовагийн гэгээн дурсгалд зориулсан гэрэлт хөшөөг хүүхэд шуугисан энэ их газар хүндэтгэлтэйгээр байршуулсан . Филатова нь манай улсын бүтээн байгуулалт хөгжил цэцэглэлтэд олон жил гар биеэр оролцохын зэрэгцээ, ялангуяа хүүхдүүдийн сайн сайхны төлөө бүхий л амьдралаа зориулсан буянтан гэдгийг бид мэдэх билээ.
Энэ хүний гэгээн үйлс, хөдөлмөр бүтээлийг үнэлэн Асашёорюү сангаас дургалын хөшөө босгох санаачлагыг гаргаж, өнөөдөр нээлтээ хийлээ.

Энд дарж бичлэг үзнэ үү
Энэхүү үйл ажиллагаанд манай улс төр нийгмийн зүтгэлтнүүд, Их аварга Асашёорюү Давгадорж болон Монгол, Японы мэргэжлийн сумочид оролцож гүн хүндэтгэл илэрхийлсэн юм. Мөн үйл үйл ажиллагааны үеэр Японы мэргэжлийн сумогийн их аварга Д.Давгадоржийг энэхүү буянтай үйл хэргийг санаачлан хэрэгжүүлж байгаад талархаж Ю.Цэдэнбал агсаны хүү Ц.Зоригын хүсэлтээр Цэдэнбалын нэрэмжит шагналаар шагнасан юм.
Энд дарж бичлэг үзнэ үү
Түүнчлэн энэ жил манай нам төрийн зүтгэлтэн Ю.Цэдэнбал агсаны 90 насны ой тохиож байгаа. Энэ ойгоор Цэдэнбалын академиас томоохон арга хэмжээ зохион байгууллахаар төлөвлөөд байгаа юм байна.
Хөшөөний нээлтэнд Ю.Цэдэнбал агсаны төрсөн дүү нь Ю.Аюуш, Ю.Жавзан нар хүрэлцэн ирсэн. Тэрээр эхээс 11-үүлээ байсан бол өнөөдөр хорвоогийн жамаар явсаар энэ хоёр буурал л үлдсэн гэлээ.
Бид сэтгэгдлийг нь сонссон юм.
Энд дарж бичлэг үзнэ үү

Энд дарж бичлэг үзнэ үү

/Оллоо.МН/