Тиймээс зас­ва­рын ажил дуустал буюу 2008 он хүртэл тус хүрээ­лэн­гийн үйл ажиллагааг зогсоох тухай яриа ч гарч байв. Гэвч за­рим эрх зүйн асуудлаас шалт­­гаалан төслийн хөрөнгө оруулалтын ажил түр хуга­цаа­гаар хойшилсон байна. Тий­мээс парк байгаа бо­лом­жоо ашиглан ирэх ес­дүгээр сар хүр­тэл үйл ажил­лагаагаа үр­гэлжлүүлэхээр бол­сон байна. НМХГ-аас өнгөрсөн хавар тус хүрээлэнгийн тоглоомуу­дад шалгалт хийхэд ихэн­хийнх нь хугацаа нь дуусаад олон жил өнгөрсөн болохыг тог­­тоосон. Тиймээс бүрэн урсгал засвар хийсний дараа үйл ажиллагаагаа үргэлж­лүүлж болохыг сануулж, 17 заалт бүхий үүрэг өгчээ.

Парк энэ жил тоглоомын урсгал засварт 13.4 сая төг­рөг зарцуулж, засвар, угсрал­тын ажлыг бүрэн хийсэн гэж мэргэжилтнүүд үзэж байна. Харин паркийн талбай дахь 24 нэрийн 26 тоглоомоос осол гарч болзошгүй Санс­рын гараа, Цагирагт дугуй, Буухиа элч, Усан аялал тог­­лоомыг үйлчилгээнээс хас­­чээ. Мөн Алсыг харагч, Сюрприз, Буухиа элч зэрэг тог­лоомыг 50 хувийн ачаал­лаар ажиллуулахаар болсон бай­на. НМХГ-аас өчигдөр хийсэн орчны эрүүл ахуйн шалгал­таар хэрэглээний цэвэр ус­наас дээж авч, шалгалт хий­хэд нянгийн бохидол илэрчээ. Тиймээс тус хүрээлэнгийн тал­бай дахь хэрэглээний усыг унданд хэрэглэхгүй бай­х хэрэгтэй юм.