Шинээр 12 гавъяат мэндэллээ
Боловсролын салбарт он удаан жил санаачлага, үр бүтээлтэй ажиллаж Монголын эдийн засгийг эрчимтэй хөгжүүлэх онол, Монголын зах зээлийн хөгжлийн загвар, өрсөлдөх чадвар зэрэг эрдэм шинжилгээний цуврал бүтээлүүд туурвиж, эдийн засаг, удирдлагын чиглэлээр үндэсний дээд мэргэжилтэй боловсон хүчин бэлтгэхэд оруулж байгаа хувь нэмрийг нь үнэлж ШУТИС-ийн Компьютер менежментийн сургуулийн зөвлөх, профессор Ломбоцэрэнгийн Гүржавт Монгол Улсын шинжлэх ухааны гавьяат зүтгэлтэн цол, Соёл, хэвлэл мэдээлэл, шинжлэх ухааны салбарт олон жил үр бүтээлтэй ажиллаж Монголын уран зохиол судлалд бичвэр судлалын салбарыг бий болгон хөгжүүлж, олон арван түүхэн роман, тууж, өгүүллэг болон эрдэм шинжилгээний бүтээлүуд туурвиж, романы төрөл зүйлийг баяжуулахад оруулж байгаа хувь нэмрийг нь үнэлж ШУА-ийн Хэл зохиолын хүрээлэнгийн эрдэм шинжилгээний ажилтан доктор, профессор Сономын Лочинд Монгол Улсын соёлын гавьяат зүтгэлтэн цол, Хэвлэл мэдээлэл, боловсролын салбарт олон жил үр бүтээлтэй ажиллаж сэтгүүл зүй, эрдэм шинжилгээ, уран зохиолын шилдэг бүтээлүүд туурвиж, Монголын соёлыг хөгжүүлэх, гадаад оронд сурталчлах, залуу үеийнхний гоо зүйн боловсролыг дээшлүүдэхэд оруулж байгаа хувь нэмрийг нь үнэлж Хүмүүнлэгийн ухааны их сургуулийн сэтгүүл зүйн тэнхимийн эрхлэгч Дамбын Цэмбэлд Монгол Улсын соёлын гавьяат зүтгэлтэн цол олгов.
Мөн Соёл урлагийн их сургуулийн захирал Дожоогийн Цэдэвт Монгол Улсын соёлын гавьяат зүтгэлтэн цол, ШУА-ийн Археологийн хүрээлэнгийн захирал Дамдинсүрэнгийн Цэвээндоржид Монгол Улсын шинжлэх ухааны гавьяат зүтгэлтэн цол, Нийслэлийн Орчлон дунд сургуулийн сургалтын менежер, зөвлөх багш Бад-рахын Сурмаажавт Монгол Улсын гавьяат багш цол, Нийслэлийн үйлдвэр, үйлчилгээний ХӨМ ХХК-ийн ерөнхий захирал Далан-тайн Мичкад Монгол Улсын үйлчилгээний гавьяат ажилтан цол, Архангай аймгийн Батцэнгэл сумын сум дундын эмнэлгийн салбарын эрхлэгч, мэс заслын их эмч Ойдов-самбуугийн Дашдэндэвт Монгол Улсын хүний гавьяат эмч цол, Баян-Өл-гий аймгийн нэгдсэн эмнэлгийн мэс заслын зөвлөх эмч Ныгметын Есейд Монгол Улсын хүний гавьяат эмч цол, Төвийн бүсийн цахилгаан дамжуулах сүлжээ төрийн өмчит хувьцаат компанийн зөвлөх инженер Найдаигийн Намхайд Монгол Улсын аж үйлдвэрийн гавьяат ажилтан цол, Сэлэнгэ аймгийн Биеийн тамир, спортын хорооны ахлах дасгалжуулагч Ганболдын Дэмбэрэл-сайханд Монгол Улсын гавьяат дасгалжуулагч цол, байгаа хувь нэмрийг нь үнэлж ХААИС-ийн Агробиологийн сургуулийн багш, доктор, профессор Бэгзийн Доржид Монгол Улсын гавьяат агронокч цол тус тус хүртээлээ.
(Өнөөдрийн монгол 106/276)
