МИАТ компанийн шинэхэн захирлыг Төрийн өмчийн хорооноос томилсон нь олон хүний анхаарал татсан. Учир нь Төрийн өмчийн хорооны дарга Д.Сугар Б.Цогоог өнгөрсөн жил түүхэнд анх удаа МИАТ-ийг гурван тэрбумын ашигтай ажиллууллаа хэмээн сайшааж, 27 сая төгрөгөөр шагнасан хэрнээ ажлаас нь халаад өөр хүнийг томилчихсон билээ.

Тэгтэл Б.Цогоог МИАТ компанийн төлөөлөн удирдах зөвлөлийн хурлаар тогтоол гарч үүрэгт ажлаәс нь чөлөөлжээ. Төрийн өмчийн хороо ТУЗ-д чиглэл өгдөг ба Төрийн өмчийн хороо болон ТУЗ-ийг Д.Сугар тэргүүлдэг. Б.Цогоог ажлаас нь халсан ТУЗ-ийн тогтоолыг нийслэлийн Хан-Уул дүүргийн шүүх хууль бус гэж үзсэн байна. Учир нь ТУЗ хуралдахдаа Б.Цогоог байлцуулахгүйгээр халаа сэлгээний асуудлыг хэлэлцэж, шийдвэр гаргажээ. Мөн ямар учраас гүйцэтгэх захирлын үүрэгт ажлаас чөлөөлж буй үндэслэлийг тогтоолдоо дурдаагүй байна. Энэ мэтээр МИАТ компанийн захирлыг ажлаас халсан гэх тогтоол нь Хөдөлмөрийн хууль, тогтоомжийт ноцтой зөрчсөн гэжээ. Б.Цогоо энэ үйл явдал болох үеэр П.Шастины нэрэмжит III эмнэлгийн сэхээн амьдруулах тасагт хэвтэн эмчлүүлж байсан гэнэ. Тэрээр одоо ч эмчийн хяналтад байгаа бөгөөд өчигдөр ажлынхантайгаа уулзаж, Б.Эрдэнэбилэгийн гаргасан бүх тушаалыг хүчингүй болгох тушаал үзэглэжээ.

Б.Цогоог өчигдөр ажилчидтайгаа
уулзаж, гурван тушаалд тарын үсэг зураад байхад нь уулзлаа. Тэрээр Би албан тушаалаа өгөхгүй .гээд ширээ сандәптайгаа зууралдаад байгаа юм биш. Гэхдээ одоогийн байдлаар МИАТ-тай холбоотой бүхий л зүйл надтай холбоотой хэвээр байна. Хэрвээ нислэгийн аюулгүй байдал, компанийн эд хөрөнгө, санхүүтэй холбоотой ямар нэгэн эрсдэл гарвал Б.Эрдэнэбилэг хариуцахгүй. Учир нь түүнд одоогийн байдлаар энэ ажлыг гардан хийх эрх зүйн орчин нь нээгдээгүй байна гэж шүүгч тайлбарласан юм гэж хэллээ. Мөн Бүх зүйл хууль дурмийн дагуу болог. Би ажлаа хүлээлгэн өгсөн өдрөөс эхлэн намайг ажлаас халагдсанд тооцох ёстой. Бүх зүйл хуулийн дагуу л байг гэж байлаа. Б.Цогоо өөрийг нь эзгүйд, эмчилгээ хийлгэх хугацаандаа орлон үүрэг гүйцэтгэгчээ томилжээ. Энэ нь тус компанийн Нислэг, үйлдвэрлэл эрхэлсэн тэргүүн дэд захирал Т.Батбаяр гэнэ.

Сонин хэвлэлд МИАТ-ийн захирлаар Б.Эрдэнэбилэгийг томилсон явдал нь Г.Алтангийн хохирлыг барагдуулах гэсэн М.Энхболдын хийж буй ажил хэмээн бичсэн. Төрийн өмчийн хорооны дарга Д.Сугар МИАТ компанийн ТУЗ-ийн дага болж өөрөө өөртөө чиглэл өгч, Ерөнхий сайдын даалгавраар энә халаа, томилгоо хийж буй хэмээн хардах хүн байгаа юм. Харин Төрийн өмчийн хорооны зугээс Б.Цогоогийн хэлж, ярьсан бүхэнд ямар нэг хариу өгөхөөс татгалзлаа.

(Ардын эрх 109/287)
Б.БЯМБАСҮРЭН