Шинэ байрны шав тавих ёслол 2006 оны 6-р сарын 19-ний өлзийт сайн өдрийн морин цагт болох бөгөөд Дашчойлон хийдийн лам хуврагууд номын цагаан ерөөлөөр ариулж, СЭЗДС-ийн гурван үеийн төлөөлөл, зочид төлөөлөгчид оролцоно.
Бүх төгсөгчид, хандивлагчдад зориулсан Манай төгсөгчид – Бидний бахархал хүндэтгэлийн тоглолт 6-р сарын 26-ны өдөр 19 цагт СТӨ-нд хөшгөө нээнэ. Тоглолтод АЖ, УГЗ хөгжмийн зохиолч Д.Мяасүрэн, УГЖ Б.Дамчаа, Төрийн соёрхолт зохиолч Б.Догмид, СТА дуучин Т.Баясгалан, дуучин Б.Ган-Эрдэнэ, Р.Лхамаа, Хурд, Номин талст, Нюанс, Перфект, Т&Т хамтлагууд, БЦДБЧ, Цэнгээнт бүжгийн Улаан сарнай хамтлаг мялаалга өргөх ажээ. Санхүүгийн сургуулиас төрсөн алдартнууд нэг дор чуулж, ойрд болоогүй халуухан тоглолт болно хэмээн олон хүн хүлээж байна. Бүгдээрээ тавтай морилно уу.

olloo.mn