Айлчлалын хүрээнд Монгол Улсын Ерөнхий сайд М.Энхболд, Япон улсын Ерөнхий сайд Ж.Койзүми нар албан ёсны хэлэлцээ хийнэ. Мөн Монгол-Японы хамтын ажиллагааны баримт бичигт гарын үсэг зурах юм. Айлчлалын үеэр Ерөнхий сайд Ж.Койзүми Ерөнхийлөгч Н.Энхбаярт бараалхаж, үдийн зоог барина. Түүнчилэн Дамбадаржаа дахь Япон цэргүүдийн дурсгалын цогцолборт хүндэтгэл үзүүлэх юм байна. Мөн Жаргалантын аман дахь аялал жуулчлалын төвд бэсрэг наадам үзэж, Чингис хаан дуурийг сонирхоно.
Энэ удаагийн айлчлал нь Ерөнхий сайд Ж.Койзүмигийн хоёр дахь удаагийн айлчлал юм. Тэрээр урьд нь Эрүүл мэндийн сайд байхдаа 1997 онд анх удаа манай улсад айлчилж байжээ.