Өмнө нь 1500 төгрөгийн өртөгтэй байсан суурь хураамжийн үнийг ийн огцом өсгөсөн нь иргэдийн бухимдлыг чамгүй төрүүлж буй. Энэ үйлчилгээний учрыг компанийн гүйцэтгэх захирал О.Шаалуугаас тодруулж ярилцлаа.

-Юуны өмнө гэнэтийн энэ шийдвэрээ гаргах болсны учрыг та манай уншигчдад тодорхой тайлбарлахгуй юу?

Бңцний тооцоогоор харин ч унэ нь 25-50 хувиар, зарим тохиолдолд бараг 100 хувиар буурсан.
Тухайлбал, 5999 гэсэн анхны багц байгаа. Хамгийн доод үнийн багцыг ашиглах хэрэглэгчид дээрх менгэн дээр НӨТ-ын 900 төгрөгийг нэмж манай компанитай гэрээ байгуулснаар хот дотроо энгийн утсанд 429 минут ярина. Түүнчлэн хот хооронд буюу хөдөө орон нутаг руу 10 минут, гар утас руу 20 минут тус бур хямдарсан тарифаар ярих бололцоотой байгаа. Өөрөөр хэлбэл, 5999 төгрөгийн багцаар дээрх боломжуудыг бараг үнэгүй эдлэх эрхтэй гэсэн уг л дээ,

-Үнэгүй гэдгээ та тодруулахгүй юу?

-Хэрэв анхны багцад багтаж байгаа дээрх минутуу-дын үнийг хуучин тарифаар бодож үзэх юм бол бараг найман мянга орчим тэгрөг болж байгаа. Тэгэхлээр 5999 төгрөгийн шинэ багц үйлчилгээ бага байна уу хуучин үйлчилгээний өртөг бага байна уу гэдгийг харьцуулаад үз л дээ. Хуучин тарифаар гэрийн дугаараас энгийн дугаарт холбогдоход нэг минутын тариф 11 төгрөг байсан. Харин одоо 5999 төгрөгийн багцынх нэг минут нь таван тэгрөг 30 минут болсон байгаа. 11999-ийнх дөрвөн төгрөг 90 мянга, 21999-ийнх бүр 37 төгрөг болсон. Гар утас руу залгахад нэг минут нь 50 төгрөг, орон нутаг руу бол 100 төгрөг.

-Энгийн утасны үйлчилгээ эрхлэгч компанийн хувьд монополь байгаа учраас хэрэглэгчдэдээ шахалт үзүүлээд байгаа юм биш үү?

-Манай компани монополь биш. Харин ч манайх зах зээлд шахагдаж байгаа компани.
Монголын зах зээл дээр 320 орчим утсаар яриулдаг, интернэтийн үйлчилгээ үзүүлдэг жижиг компаниуд байна. Энэ жижиг комланиуд төдийгүй үүрэн телефоны томоохон компаниуд болох Скайтель, Мобикомынхон бүгд багцын үйлчилгээнд шилжсэн шүү дээ. Тиймээс манай компани махчлаад багцын үйлчилгээнд нэвтрүүлээд байгаа хэрэг биш. Харин ч манайх энэ шинэчлэлтийг жаахан хожуу хийлээ гэж үзэж байгаа. Цаашид бид ухаалаг үйлчилгээний сүлжээг шинэ үйлчилгээнийхээ суурин дээр нэвтрүүлэхээр төлөвлөж байгаа. Ингэснээр хэрэглэгчид нэг нэгнийгээ хараад ярих, мессэж буюу зурвас яөуулах зэрэг бусад төрлийн үйлчилгээг авах өргөн боломж суурин сүлжээнд нээгдэх бололцоотой.

-Шинэ үйлчилгээгээ нэвтрүүлэхдээ холбогдох газруудын зөвшоорлийг авсан уу?

-Харилцаа холбооны зохицуулах хороонд хоёр ч удаа бүх тооцоогоо явуулсан. Тэгээд тус холбооны эрх бүхий албан тушаалтан өөрөөр хэлбэл. дарга нь амаар надад багц уйлчилгээнд танай байгууллага шилжихийг бид дэмжиж байна гэж хэлсэн. Түүнчлэн нарийи тооцоонуудыг Харилцаа холбооны зохицуулах хороо судалж үзээд танай суурин телефоны нэг сарын хугацаанд гаргаж байгаа өртөг нь 5368 байна гэдгийг баталгаажуулсан байгаа. Айлд байгаа суурин телефон ямар ч үйлчилгээнд орохгүй, утсаараа огт ярихгүй харин хэвийн ажиллагаанд байлгалаа гэхэд компаниас гарч байгаа зардал нь 5368 байгаа юм. Тэгэхлээр энэ зардалтайгаа шинэ үйлчилгээгээ харьцуулах юм бол тухайлбал, 5999 төгрөгийн багцад л гэхэд энгийн утас руу 459 минут, гар утас руу 20, хөдөө орон нутаг руу 10 минут ярих эрхүүд багтсан нь бараг үнэгүй олгогдож байгаа ярианы нэгж гэж хэлж болох.

-Тэгвэл танай компанид Мэдээлэл, харилцаа холбооны зохицуулах газраас шалгалт ороод байгаагта юу гэж үзэж байна?

-Засгийн газрын хуралдаан дээр ч манай шинэ үйлчилгээний асуудлыг ярьсан. Мэдээлэл, харилцаа холбоо технологийн газрын дарга Ч.Сайханбилэг бидэнтэй уулзаж үүрэг даалгавар өгсөн. Түүнчлэн тусгай ажлын хэсэг хүртэл байгуулан манай компанийн нэвтрүүлсэн шинэ үйлчилгээтэй холбогдуулан шалгалт хийж байгаа нь үнэн. Шалгалтын дүн яаж гарахыг одоогоор тааварлаж мэдэх аргагүй. Гэхдээ би юуг баттай хэлж чадах вэ гэвэл хэрэглэгчдээс өмнө нь авч байсан үнэ тарифыг өнөөгийнхтэй харьцуулбал хямдарсан. Нөгөөтэйгүүр суурин утасны үйлчилгээ чанар маш сайн. Яахав аливаа шинэ юм хэл амтай байдаг. МЦХ ХК 150 орчим мянган хэрэглэгчтэй. Гэхдээ энэ тоог гар утас хэрэглэгчдийн тоотой харьцуулбал бараг зургаа дахин бага. Сардаа 2000-5000 төгрөгт багтаж ярьдаг хэрэглэгчдийн тоо есөн мянга орчим л байдаг юм билээ, хотод. Тэдгээр иргэдээс голдуу санал гомдол гарч байгааг бид үгүйсгэхгүй. Бид хэрэглэгчдэдээ шинэ үйлчилгээнийхээ талаар урьдчилан сайн тайлбарлаж ойлгуулсангүй. Гэхдээ л шинэ үйлчилгээг ойлгохгүй байгаа хэрэглэгчдийн тоо маш цөөхөн гэдгийг дурдах нь зүйтэй байх. Өөрөөр хэлбэл, зарим телевизээр яриад байгаа шиг нэг их бухимдал байхгүй.

-Албан байгууллагуудын утсанд шинэ үйлчилгээ нэвтрээгүй нь бас сонирхол татаж байгаа. Эндээс иргэдийн нуруун дээр л алдагдлынхаа ачааг нэмэх гэсэн танай байгууллагын бодлого гэх хардлага төрж байна?

-Төрийн болон төсвийн, аж ахуйн нэгжийн байгууллагуудын аль ч энгийн утасны үйлчилгээнд гар хүрээгүй л дээ. Учир нь байгууллагуудын утасны суурь хураамж нь МЦХ компаниас гаргасан зардалтай тохирсон 4500-5000 төгрөг байдаг. Тиймээс алдагдалтай байсан 1500 төгрөгийн суурь хураамжтай гэрийн утсыг аль болох хэрэглэгчдэд ашигтайгаар ийм багцын шинэ үйлчилгээгээр зохицуулж шийдсэн юм. Уг нь номоор нь бол 5368 төгрөгийн суурь хураамжаа төлөөд ярьсан ярианыхаа тарифыг тусад нь тооцож тушаа гэсэн шаардлага тавимаар байгаа юм.

-Өндөр настай, амьдралын боломж тааруу иргэдэд уян хатан үнийн тариф санал болгох боломж байна уу?

-Үүнийг бид судалж байгаа. Манайд хийгдэж байгаа шалгалтын үр дүнг бид хүлээж байна. Гэхдээ ирэх сараас эхлэн хэрэглэгч тухайн сардаа авсан багцандаа олгогдож байгаа минутынхза тал хувийг нь ашигласан байлаа гэхэд үлдэгдлийг нь дараа сард нь шилжүүлэх боломжтой болно. Тухайлбал, анхны багц буюу 5999 төгрөгийн багцаар үйлчлүүлэгч 3000 төгрөгт нь ярилаа гэхэд үлдэгдэл 2999-ийг нь дараа сардаа шилжүүлнэ. Дээрх шилжиж ирсэн менгэн дээрээ 3000 төгрөг нэмээд тухайн сарынхаа эрхийг сунгаж болно гэх мэтээр дараа дараагийн сарууддаа шилжүүлээд явж болохоор болсон. Түүнчлэн авсан багцаасаа багахан хэмжээний жишээ нь 500 төгрөг илүү гаргаад ярьсан байвал энэ оныг дуустал өөрийнхөө компаний алдагдалд тооцож авъя гэж байгаа.

-Шинэ үйлчилгээ орон нутагт мөн хэрэгжиж байна уу?

-Тиим. Гэхдээ орон нут-гийн иргэдийн эмьжиргааны өртөг хотынхтой харьцуулбал бага учраас бид мөн хямд тарифын багц уйлчилгээг нэвтрүүлэх асуудлыг судалж байна.

-Зарим хэрэглэгч утсанд холбогдоогүй хэр нь төлбөр гардаг гэж ярьдаг?

-Энэ бол худлаа А шугам В шугамтайгаа. холбогдож байж тоолуур гүйж үнэ нь гарна.

-Авсан багцаасаа илүү гаргаж ярьсан тохиолдолд яах вэ? Тарифын хувьд ялгаа бий юу?

-Багцаасаа илүү гарган ярьж болно. Гэхдээ нэг минутынх нь үнийн тариф хуучин үнээр буюу 11 төгрөгөөр бодож тооцогдох юм.

-Багц болгонд энгийн утас, гар утас, хот хооронд ярих минутын хязгаарыг тогтоосон байна. Хэрэв орон нутаг руу ярьдаггүй, гар утсанд холбогддоггүй айл байвал яах вэ?

-Тэгвэл гар утас руу ярих минут, хөдөө орон нутаг руу ярих минутыг энгийн утас руу хот дотроо ярих минут руу шилжүүлж болно. Ингэхдээ заавал харилцаа холбооны салбар байгууллагад биеэр очиж өөрчлөлт хийлгүүлэх ёстой. Гэхдээ ингэж өөрчлүүллээ гээд гар утас, орон нутаг руу гарах эрхээ хаалгаж байгаа хэрэг биш.

Б.АЛТАНТУУЛ

(Өдрийн сонин 2006-08-10 197)