Тэрбээр ирэх есдүгээр сард БНХАУ-ад зохиогдох Miss Intercontinental World finaI-2006 тэмцээнд оролцохоор бэлтгэлээ базааж буй. Монгол охидын хацар гоо үзэсгэлэнг дэлхийн тавцанд гайхуулах мисс бүсгүй маань Жавхлант ирээдүй сангийн тэргүүн аж.

-Тив тивийн гоо бүсгүй-н тэмцээнд оролцох бэлтгэлээ хэр базааж байна. Юу сонирхуулахаар зэхсэн бэ?
-Бэлтгэлдээ хэдийнэ орсон. Тэмцээнд монгол үндэстний хувцасны үзэсгэлэн гаргаж, гар урлалын бүтээл сонирхуулж, ардын бүжиг бүжиглэнэ. Хамгийн гол нь, монголын гайхамшгийг харуулахыг зорьж байгаа.

-Энэ тэмцээн дэлхийд зэрәглэлээрээ хэддүгээрт багтах вэ?
-Гуравдугаарт ордог юм билээ.

-Яг хаана болох талаар мэдсэн үү?
-Мэдэж амжаагүй байгаа. Тэмцээний хугацаа ойртохоор энэ тухай тодорхой мэдэгдэнэ гэсэн.

-Тэмцээнд оролцох зардлаа хэрхэн зохицуулах бол?
-Тэмцээнийг зохион байгуулах тал бүрэн хариуцна. Харин надад Имиж төвийн дизайнер Б.Мижиддорж болон Шилмэл загвар компаниас туслалцаа үзүүлж байгаа.

-Солонгост хәдийнээс эхэлж амьдрах болсон бэ. Ямар сургуульд суралцдаг талаар сонирхвол?
-14 настайгаасаа фото моделийн чиглэлээр ажилласан. Сөүл хотын Бридж консул сургуульд сурдаг. Одоогоор Home shop-т фото моделийн чиглэлээр сурталчилгаа хийдэг.

-Жавхлант ирээдүй санг байгуулах болсон шалтгаан юу вэ?
-Миний эгч Т.Цэзэлмаа 2002 онд зуурдаар нас нөгчсөн болохоор түүний төлеө хийж чадаагүй бүхнээ монголын ирээдүйн иргэдэд зориулах бодол төрсен. Тэгээд 2005 оны гуравдугаар сарын 30-нд сангаа байгуулсан.

-Сангийн хүрээнд олон зуйл хийсэн. Тэр талаараа сонирхуулаач?
-Тийм ээ. Эгчийнхээ сурч байсан Дорнод аймгийн Чулуунхороот сумын арван жилийн дунд сургуулийн 50 жилийн ойд зориулж интернэт мэдээлэл зүйн иж бүрэн танхим, БНСУ-д үйлдвэрлэсэн 25 хүний суудалтай автобус бэлэглэсэн. Үүний зэрэгцээ, тус аймгийн амьдралын баталгаажих түвшингээс доогуур орлогтой айлын 50 хуүхдийг хичээлийн хэрэглэлээр хангасан.

-Таны цаашдын зорилго?
-Хэлний чиглэлээр сурч, Нью- Иоркийн их сургуульд элсэх бодолтой. Мөн НҮБ-д ажиллаж, хүүхдийн дуу хоолойг дэлхийн хүмүүст хүргэх зорилго өвөртөлсөн дөө.

(Өнөөдрийн монгол 151/321)