Ингэхдээ хутга бүү хэрэглээрэй, харин үүний оронд буудчихаач гэдэг байсан гэнэ. Жилл Иракийн шоронд өнгөрүүлсэн тухайгаа The Christian Science Monitor сонинд бичсэн эхний тэмдэглэлдээ дурджээ. Уг сонин түүний тэмдэглэлээр 11 цуврал нийтлэл гаргахаар төлөвлөж байгаа аж.
Жилл Кэрролл байнга айдастай байсан бөгөөд түүнтэй сайхан харилцаж байсан ч аядгүйдэж байсан гэнэ. Өшөө авалтын бригад гэж өөрсдийгөө нэрлэсэн энэ бүлэглэлийнхэн эхний өдөр түүнийг хоёр өөр байшинд хашиж байжээ. Эхлээд Багдадын ойролцоохь гурван цонхтой нэгэн байшинд хорьсон байна. Шинэ хувцас өмсгөхдөө угаалгын өрөөнд ширүүн харцтай эмэгтэйгээр хянуулж байсан аж. Хоёр дахь байшинд түүнээс байцаалт авч, ямар ажил хийдэг, ямар шашин шүтдэг, гэрийнхнээс нь хэн нэгэн архи уудаг эсэх, компьютер дээр нь Засгийн газар, эсвэл цэргийнхэнд мэдээлэл дамжуулдаг сигнал байдаг эсэхийг лавлаж байжээ. Yүний дараа тэд Иракт баривчлагдаад буй бүх эмэгтэйг суллан тавихыг хүсч буйгаа илэрхийлэн, хэрэв үүнийг гүйцэтгэхгүй бол Кэрроллыг хорооно гэж сүрдүүлж байсан гэнэ. Удалгүй Керроллыг будаа, тахианы махаар дайлаад тэдний нэгний гэр бүлийнхэнтэй зурагт үзэхийг урьсан аж. Тэрээр Тэд намайг өөрсдийнх нь тухай сайнаар бодоосой гэсэн үүднээс надтай сайхан харилцаж байсан байх. Тэд их уриалгахан, зочломтгой байсан. Гэхдээ тэнд өнгөрүүлсэн секунд бүр миний хувьд сорилт болж байсан. Би хоолоо, зурагтын сувгийг зөв сонгох ёстой болж байсан. Хэрэв ямар нэг зүйлийг буруу хийвэл намайг алах байсан байх гэжээ.
Жилл Керролл 28 настай. Түүнийг өнгөрсөн нэгдүгээр сарын 7-нд хулгайлсан. Редакцын даалгавраар тэрээр Суннитын улс төрийн зүтгэлтэн шейх Аднан ад-Дулеймигээс ярилцлага авах ёстой байжээ. Гэтэл ад-Дулеймигийн албан газраас 300 орчим метр ойрхон явж байхад нь гэнэт зэвсэгтэй хүмүүс машиныг нь бүслэн авсан аж. Түүнийг тэд хулгайлж, харин орчуулагчийг нь буудан хөнөөжээ.
Жиллийг авч явагсад шоронгоос бүх эмэгтэйг суллах шаардлага тавьж байсан аж. Өнгөрсөн нэгдүгээр сард Багдадад хүрэлцэн ирсэн АНУ-ын мусульман шашинтны төлөөлөгчид барьцаанд буй сурвалжлагчийг тавьж явуулахыг хүсчээ. Түүнээс гадна Ойрхи Дорнодын олон нөлөө бүхий хүн, тэр дундаа Палестины Хамас бүлэглэл хүртэл түүнийг чөлөөлөхийг уриалж байсан аж.
Америкууд сурвалжлагч бүсгүйг барьцаалсны дараа Иракийн шоронгоос дөрвөн эмэгтэйг сулласан ч энэ нь дээрх шаардлагатай онц холбоогүй гэжээ.